စစ်​ကောင်စီ၏ ​ကျောက်ဆည်လက်နက်ထုတ်လုပ်​ရေးတပ်သွား​သော ​ထောက်ပို့ကားတစ်စီးကို တိုက်ခိုက်

မန္တလေးတိုင်း၊ ကျောက်ဆည်မြို့နယ်၊ ရွာငံ-ဟန်မြင့်မိုရ်လမ်းတွင် လက်နက်ထုတ်လုပ်ရေးတပ်သို့သွားသည့်စစ်ကောင်စီတပ်၏ ထောက်ပို့ကားတစ်စီးကို တိုက်ခိုက်ခဲ့ကြောင်း ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)က သတင်းထုတ်ပြန်သည်။

ယနေ့( ဖေဖော်ဝါရီလ ၄ ရက်) နံနက်(၉)နာရီအချိန်ကရွာငံ၊ ဟန်မြင့်မိုရ် လမ်းအတိုင်း မောင်းနှင်လာသော အကြမ်းဖက်စစ်ကောင်စီတပ်၏ ထောက်ပို့ယာဥ်အား ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)နှင့် Black Wolf PDF(MDY)တို့ ညီနောင်မဟာမိတ် ပူးပေါင်းတပ်ဖွဲ့မှ မိုင်းဆွဲတိုက်ခိုက်ခဲ့ကြောင်း KDDF ကအသိပေးသည်။

“တောင်တော်ရွာရဲ့တောင်ဘက်မှာရှိတဲ့ လက်နက်ထုတ်လုပ်ရေးတပ်ကိုသွားတာပါ။ အဲ့တပ်ကနေ လက်နက်တွေသယ်ယူပြီး ထောက်ပို့နေလို့ လမ်းကနေဖြတ်ပြီးမိုင်းဆွဲခဲ့တာပါခင်ဗျ။”ဟု ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)တာဝန်ရှိသူက ပြောသည်။

ဇန်နဝါရီလ ၃၀ရက်နေ့ နံနက် ၁၁နာရီအချိန်ကလည်း ကျောက်ဆည်မြို့မြောက်ဘက် (၁၄)စစ်တပ်အနီးတွင် စစ်ကောင်စီလက်ပါးစေ မော်တော်ပီကယ်နှင့် စစ်သားများက ကားများအား လက်နက်ကိုင် ဆက်ကြေးတောင်း​နေကြောင်း သတင်းရရှိသောကြောင့် ကျောက်ဆည်ခရိုင်ကာကွယ်ရေးတပ်ဖွဲ့ (K.D.D.F) မှ မိုင်းခွဲတိုက်ခိုက်ခဲ့သည်။ထိုသို့တိုက်ခိုက်ရာ စစ်ကောင်စီတပ်သားတစ်ယောက် ဦးခေါင်းပွင့်ကာသေဆုံးခဲ့ပြီး မော်တော်ပီကယ်နှစ်ယောက် မျက်နှာထိခိုက်သွားခဲ့ကြောင်း KDDF က အသိပေးထားသည်။

Public Service Announcement