KNLA တပ်မဟာ ၅ နယ်မြေ ဖာပွန်မှာ စစ်ကောင်စီက ကျေးရွာတွေအပေါ် လေယာဉ်နဲ့ဗုံးကြဲတိုက်ခိုက်မှုတွေ ထပ်လုပ်ခဲ့တာကြောင့် အရပ်သားပြည်သူတွေ ထိခိုက်သေဆုံးဒဏ်ရာရတာတွေ ရှိနေတယ်လို့ သတင်းရရှိပါတယ်။
ကေအဲန်ယူထိန်းချုပ်နယ်မြေဖြစ်တဲ့ ဖာပွန်ခရိုင် ဒွယ်လိုးမြို့နယ် မထောကျေးရွာအုပ်စု တဒွီးခိုကျေးရွာအပေါ်ကို ဒီကနေ့ ဖေဖေါ်ဝါရီ ၅ ရက် မနက် ၁ နာရီအချိန်ခန့်က စစ်ကောင်စီက လေယာဉ်နဲ့ဗုံးကြဲတိုက်ခိုက်မှုတွေလုပ်ဆောင်ခဲ့ပြီး ရွာသားနှစ်ဦးသေဆုံးကာ ခြောက်ဦးဒဏ်ရာရရှိခဲ့တယ်လို့ မူတြော်သတင်းစဉ်က ထုတ်ပြန်ထားပါတယ်။
ဒဏ်ရာရရှိသူတွေထဲမှာ ကလေးငယ်တွေလည်းပါဝင်ပြီး နေအိမ်တွေလည်း မီးလောင်ပျက်စီးသွားခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၅ နယ်မြေထဲကို အာဏာသိမ်းစစ်ကောင်စီတပ်တွေက လက်နက်ကြီးနဲ့ပစ်ခတ်တာ၊ လေယာဉ်နဲ့ဗုံးကြဲတိုက်ခိုက်တာတွေ မကြာခဏလုပ်ဆောင်နေပြီး ဒေသခံအရပ်သားပြည်သူတွေ ထိခိုက်သေဆုံးဒဏ်ရာရရှိမှုတွေ၊ နေအိမ်ပျက်စီးတာတွေ ရှိနေတာဖြစ်ပါတယ်။
Public Service Announcement
