မန္တလေး ၊ကျောက်ဆည်မြို့ မှာနေထိုင်တဲ့ We Love Kyauke ပရဟိတအဖွဲ့ ဦးဆောင်သူ ကိုဖြိုးသီဟဇင်နဲ့ NLD ပါတီဝန်းရံသူလူငယ်တစ်ဦး ကို စစ်ကောင်စီတပ်တွေဟာ ဖမ်းဆီးပြီး သတ်ဖြတ်လိုက်တယ်လို့ ဒေသတွင်းသတင်းရင်းမြစ်တွေဆီကသိရပါတယ်။
ကိုဖြိုးသီဟဇင် နဲ့ NLD ပါတီဝန်းရံသူ လူငယ်တစ်ဦးကိုမနေ့က ညပိုင်း ၁၁ နာရီလောက်မှာ စစ်ကောင်စီတပ်တွေက နေအိမ်ကို ဝင်စီးကာဖမ်းဆီးခဲ့တာပါ။
အဲဒီနောက်မနက်ပိုင်းမှာတော့ ကျောက်ဆည် မြို့ရှောင်လမ်းမမှာ သူတို့ နှစ်ဦးလုံးရဲ့ အလောင်းတွေကို လာစွန့်ပစ်ထားခဲ့တာလို့ ဒေသတွင်းသတင်းရင်းမြစ်တွေဆီက သိရပါတယ်။
ခုလို ညှင်းပမ်းသတ်ဖြတ်ခံရတဲ့ကိုဖြိုးသီဟဇင်ဟာ ပရဟိတသမားတစ်ဦးဖြစ်ကာ အာဏာသိမ်းအစောပိုင်းကာလတွေမှာ ရာဇသတ်ကြီးပုဒ်မ ၅၀၅ (က) ထုတ်ခံရလို့တိမ်းရှောင်နေခဲ့ရသူဖြစ်ပါတယ်။
အဲဒီနောက် ခံဝန်ထိုးပြီး နေအိမ်မှာပြန်လည်နေထိုင်နေသူတစ်ဦးလည်းဖြစ်ပါတယ်။
အာဏာသိမ်းပြီးနောက် စစ်ကောင်စီလက်ချက်ကြောင့် ကျဆုံးရသူဦးရေ ဟာ ၁၅၀၀ ကျော်လာပါပြီ။