ကရင်နီ(ကယား)ပြည်နယ် လွိုင်ကော်မြို့နယ် ကုန်းသာရွာအနီး လင်ဖုံလေးလမ်းခွ၌ တပ်စွဲထားသည့် စစ်ကောင်စီတပ်ကို ယနေ့ နံနက်က တိုက်ခိုက်ခဲ့ရာ စစ်ကောင်စီတပ်မှ ၉ဦးထက်မနည်း ထိခိုက်ကျဆုံးမှုရှိခဲ့သည်ဟု ကရင်နီအမျိုးသားကာကွယ်ရေးတပ်ဖွဲ့(KNDF) ဖယ်ခုံဇုန်က ထုတ်ပြန်သည်။
ဖေဖော်ဝါရီ ၇ရက် နံနက် ၅နာရီခွဲခန့်တွင် KNDF တပ်ရင်း(၂)၊ တပ်ရင်း(၃)၊ တပ်ရင်း(၁၁)နှင့် ဖယ်ခုံ အရှေ့ဘက်ကမ်း ပြည်သူ့ကာကွယ်ရေးတပ်(PDF) များ ပူးပေါင်းကာ စစ်ကောင်စီတပ်စွဲရာနေရာကို ပြောက်ကျားနည်းဖြင့် တိုက်ခိုက်ခဲ့ခြင်းဖြစ်သည်ဟု ဖော်ပြထားသည်။
အဆိုပါ တိုက်ပွဲ၌ ပြည်သူ့ကာကွယ်ရေးတပ်မှထိခိုက်မှုမရှိဘဲ အောင်မြင်စွာ ဆုတ်ခွာနိုင်ခဲ့သည်ဟု ဆိုသည်။
ဖေဖော်ဝါရီ ၄ရက်ကလည်း KNDF တပ်ဖွဲ့ဝင်များက လွိုင်ကော် ထီရိရွာ အပေါ် တောင်ထိပ်၌ တပ်စွဲထားသည့် စစ်ကောင်စီကို တိုက်ခိုက်ခဲ့ရာ စစ်ကောင်စီတပ်မှ ၇ဦးသေဆုံးခဲ့သည်။
Public Service Announcement
