စစ်ကိုင်းတိုင်း မင်းကင်းမြို့နယ် ၊စနဗျင်းရွာ၌ တပ်စွဲထားသည့် အကြမ်းဖက်စစ်ကောင်စီတပ်ကို ဝင်ရောက်စီးနင်းတိုက်ခိုက်ရာ စစ်ကောင်စီတပ်သား သုံးဦးသေဆုံးပြီး လက်နက်အချို့ သိမ်းဆည်းရမိကြောင်း မင်းကင်း PDF က ယနေ့ (ဖေဖော်ဝါရီ ၁၀ ရက်)တွင် ထုတ်ပြန်သည်။
တိုက်ပွဲ ဖြစ်စဥ်မှာ ဖေဖော်ဝါရီ ၉ရက် နံနက် ၁နာရီခန့်က ဖြစ်ပြီး မင်းကင်း PDF တပ်ရင်း (၃)တပ်ခွဲ- ၁ မှ ပြောက်ကျားတပ်စိပ် (၂)က ဝင်ရောက်စီးနင်းနိုင်ခဲ့ခြင်းဖြစ်သည်။
ထိုတိုက်ပွဲတွင် ရန်သူဖက်မှ သုံးဦးသေကာနှစ်ဦးထက်မနည်း ဒဏ်ရာရရှိခဲ့ပြီး MA-2 စက်ကလေးတစ်လက်နှင့် ကာဘိုင်တစ်လက် သိမ်းဆည်းရမိခဲ့သည်ဟု မင်းကင်း PDF ကဆိုသည်။
ထို့အပြင် ပြောက်ကျားတပ်ခွဲမှ ရဲဘော်များထိခိုက်ဒဏ်ရာမရရှိပဲ အောင်မြင်စွာဆုတ်ခွာနိုင်ခဲ့သည်ဟုလည်း အသိပေးထားသည်။