မန္တလေးမြို့အခြေစိုက် မဟာလူမှုကယ်ဆယ်ရေးအဖွဲ့ရုံးကို စစ်ကောင်စီက ချိတ်ပိတ်လိုက်ပြီး ဒုဥက္ကဋ္ဌနှင့် အဖွဲ့ဝင် ၈ဦးကို ဖမ်းဆီးသွားကြောင်း ယင်းအဖွဲ့က ယနေ့(ဖေဖော်ဝါရီ ၁၀) ထုတ်ပြန်သည်။
အသင်းဒုဥက္ကဋ္ဌနှင့် အဖွဲ့ဝင် ၈ဦးတို့ကို ယမန်နေ့ (ဖေဖော်ဝါရီ ၉)ကတည်းက ဖမ်းဆီးသွား ခြင်းဖြစ်ပြီး မဟာအောင်မြေမြို့နယ် ၄၁ လမ်း/၉၂ လမ်းဒေါင့်ရှိ အသင်းပိုင်ရုံးကိုမူ ယနေ့တွင် ချိတ်ပိတ်ခံရခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
လက်ရှိဖြစ်ပေါ်နေသော နိုင်ငံရေးကိစ္စရပ်များနှင့် ဆက်စပ်သည်ဆိုကာ ဖမ်းဆီးခံရခြင်းဖြစ်ပြီး အသင်းရုံးနှင့် အသင်းပိုင်ပစ္စည်းများ သိမ်း ဆည်းခံရခြင်းကြောင့် ကူညီကယ်ဆယ်ရေး လုပ်ငန်းများကိုလည်း ဝမ်းနည်းစွာဖြင့် ရပ်နားလိုက်ရပြီဟု မဟာလူမှုကယ်ဆယ်ရေးအဖွဲ့က အသိပေးထားသည်။
ထို့ပြင် လက်ရှိအခြေအနေတွင် အသင်းဥက္ကဋ္ဌနှင့် ကျန်းအဖွဲ့ဝင်အချို့အား ဖမ်းဆီးစစ်ဆေး နေဆဲဖြစ်ကြောင်းလည်း မဟာအဖွဲ့က ထုတ်ပြန်ထားသည်။
Public Service Announcement
