ချင်းပြည်နယ် ဖလမ်းမြို့နယ်တွင် အကြမ်းဖက်စစ်ကောင်စီယာဉ်တန်းကို ရှေ့ပြေးတာဝန်ယူ ပေးနေသည့် စစ်ကောင်စီတပ်များအား လက်ဦးမှုယူ ပစ်ခတ်တိုက်ခိုက်ခဲ့ရာ စစ်ကောင်စီတပ်မှ ငါးဦးသေဆုံးပြီး ဒဏ်ရာရ သူများရှိကြောင်း ချင်းအမျိုးသားအဖွဲ့ချုပ်(CNO)က ယနေ့ ထုတ်ပြန်သည်။
ဖလမ်းမြို့နယ်သို့ ဖေဖော်ဝါရီ ၉ရက်က စစ်ကောင်စီ၏ ယာဉ် ၂၂ စီးသည် ရိက္ခာပို့ဆောင်ရန် တက်လာရာယာဉ်တန်းရှေ့ ရှေ့ပြေးတာဝန်ယူနေသည့် တပ်ကို ဖလမ်းမြို့နယ် ပါရ်သဲရွာအနီးတွင် CNOလက်အောက်ခံ ချင်းအမျိုးသားကာကွယ်ရေးတပ်(CNDF)က တိုက်ခိုက်ခဲ့ ခြင်းဖြစ်သည်ဟု ဆိုသည်။
အဆိုပါ ဖြစ်စဉ်တွင် ချင်းအမျိုးသားကာကွယ်ရေးတပ်ဖွဲ့ဝင်များ ထိခိုက်မှုမရှိဘဲ ပြန်လည်ဆုတ်ခွာလာနိုင်ခဲ့ကြောင်း ဖော်ပြထားသည်။
CNDFသည် ဇန်နဝါရီအတွင်းကလည်း စစ်ကောင်စီတပ်များကို ခုခံတိုက်ခိုက်မှု များ မကြာခဏပြုလုပ်ခဲ့ရာ စစ်ကောင်စီတပ်က သေဆုံးထိခိုက်မှုများခဲ့သည်။
Public Service Announcement
