နေပြည်​တော် ပျဥ်းမနားမြို့ရှိ ​ထွေအုပ်ရုံး၊ ကြံ့ခိုင်​ရေးရုံးနှင့်မြဝတီဘဏ်တို့ကို မဟာမိတ်တပ်​ပေါင်းစု တိုက်ခိုက်စစ်​ကောင်စီတပ်သုံးဦး​သေဟု ထုတ်ပြန်

နေပြည်​တော် ပျဥ်းမနားမြို့ရှိ ထွေအုပ်ရုံး၊ ကြံ့ခိုင်ရေးရုံးနှင့် စစ်တပ်ပိုင် မြဝတီဘဏ်တို့ကို ပြည်သူ့ကာကွယ်ရေး မဟာမိတ်တပ်​ပေါင်းစုများက ပူး​ပေါင်းတိုက်ခဲ့ရာ စစ်ကောင်စီဘက်မှ သုံးဦးသေဆုံးပြီး တစ်ဦးဒဏ်ရာရရှိခဲ့​ကြောင်း နေပြည်​တော်မြို့ပြ​ပြောက်ကျားမဟာမိတ်တပ်​ပေါင်းစုက ယ​နေ့ သတင်းထုတ်ပြန်သည်။

အာဏာသိမ်းစစ်ကောင်စီက အင်တာနက်ဖြတ်တောက်ထားပြီးလုံခြုံ​ရေးမြှင့်ထားကာ ဗိုလ်ရှု့သဘင်ကိုနေပြည်တော်တွင် ပြုလုပ်ခဲ့သည့် ဖေဖော်ဝါရီ ၁၂ ရက်တွင် အထက်ပါ ပစ်မှတ်များကို တိုက်ခိုက်ခဲ့ခြင်းဖြစ်သည်။

နေပြည်တော် ပျဉ်းမနားမြို့ရှိ ယောက်သွားအင်းထွေအုပ်ရုံးကို နံနက် ၁၁နာရီ ၃၀မိနစ်တွင် ​နေပြည်​တော် မြို့ပြ​ပြောက်ကျားမဟာမိတ်တပ်​ပေါင်းစုက(၇၉)ဗုံးပစ်လောင်ချာဖြင့်တိုက်ခိုက်ခဲ့သည်။ ယင်းတိုက်ခိုက်မှုတွင် စစ်ကောင်စီဘက်က သုံးဦးသုတ်သင်နိုင်ခဲ့သည်ဟု ထုတ်ပြန်သည်။

ထို့အပြင် နေ့လယ် ၁၂နာရီနှင့် ၁၂နာရီ ၁၅မိနစ်တွင်ပျဉ်းမနားမြို့နယ် ကြံ့ခိုင်ရေးပါတီရုံးနှင့် မြ၀တီဘဏ်တို့ကို လည်းပစ်ခတ်တိုက်ခိုက်ခဲ့ရာ စစ်ကောင်စီဘက်က တစ်ဦးဒဏ်ရာအပြင်းအထန်ရရှိသွားသည်ဟုမဟာမိတ်တပ်​ပေါင်းစုက သတင်းထုတ်ပြန်သည်။အထက်ပါပစ်မှတ်နေရာသုံးခုကို ၄၅မိနစ်ခန့်အတွင်း တိုက်ခိုက်ခဲ့ခြင်းဖြစ်သည်။

Public Service Announcement

နေပြည်တော်တွင် စစ်ကောင်စီ၏ ပစ်မှတ်နေရာများကို ပြည်သူ့ကာကွယ်ရေးမဟာမိတ်တပ်​ပေါင်းစုများက နှစ်ရက်ဆက်တိုက်ခိုက်ခဲ့ခြင်းဖြစ်သည်။

ဖေဖော်ဝါရီ ၁၁ ရက်ညကလည်း နေပြည်တော်ဇဗ္ဗူသီရိ အမှတ်(၃)ရဲစခန်း၊ ပျဉ်းမနားမြို့ဂွကြားရပ်ကွက်(ဘိုးဘွာရိပ်သာအနီး)ရှိရေနံသိုလှောင်ရုံနှင့် တပ်ကုန်းမြို့မဈေးအနီးဝန်းကျင်ကို တိုက်ခိုက်ခဲ့သည်။