မြောက်ဥက္ကလာပမြို့နယ် အဝေးပြေးစခန်းရှေ့ရှိ စစ်ကောင်စီတပ် စစ်ကြောရေးစခန်းအတွင်းသို့ ၄၀ မမ ဗုံးသီးဖြင့် ပစ်ခတ်တိုက်ခိုက်ခဲ့ကြောင်း မြို့ပြပြောက်ကျားတပ် Dictator Revolt Front အဖွဲ့က ထုတ်ပြန်သည်။
အဆိုပါတိုက်ခိုက်မှုကို ယမန်နေ့(ဖေဖော်ဝါရီ ၁၃)ည ၈ နာရီခန့်က ပြုလုပ်ခဲ့ခြင်းဖြစ်ပြီး အဖိုးဗိုလ်ချုပ်၏ (၁၀၇)နှစ်ပြည့်မွေးနေ့အထိမ်း အမှတ်အဖြစ် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“အဲနေရာက အရင်က ထောက်လှမ်းရေးတပ်ရှိတယ်။ အခုတော့ ထောက်လှမ်းရေးတပ်ဖျက်လိုက်တော့ ဘာတပ်လဲတော့မသိဘူး ထပ်ရောက်နေတာရှိတယ်။ ပေါက်ကွဲသံတော့ကြားတယ်။ ဘယ်လိုရှိတယ်ဆိုတာတော့ မသိရဘူး”ဟု မြောက်ကဥက္ကလာပမြို့ခံတစ်ဦးက ပြောသည်။
DRF အဖွဲ့၏ထုတ်ပြန်ချက်အရ ၎င်းတို့တိုက် ခိုက်ခဲ့သည့်နေရာတွင် စစ်ကောင်စီတပ်ဖွဲ့ဝင်များ၊ စရဖများရှိနေပြီး ထိခိုက်သေဆုံးမှုအခြေအနေအား မသိရသေးဟု အသိပေးထုတ်ပြန်ထားသည်။
Public Service Announcement
