မန္တလေးတိုင်း မဟာအောင်မြေမြို့နယ်ရှိ ဆူးလေဗလီဝင်း၌ မီးလောင်မှုဖြစ်ပွားခဲ့ရာ အိမ်ခြေ၂၀ ကျော် မီးလောင်ဆုံးရှုံးခဲ့ကြောင်း ဒေသခံများထံမှ သတင်းရရှိသည်။
“အိမ်ခြေက နှစ်ဆယ်ကျော်၊သုံးဆယ်လောက်ရှိမယ်။ လောလောဆယ်တော့ အထဲကို ဝင်မရသေးလို့ အတိအကျမသိရသေးဘူး။ မီးဘေးသင့်ပြည်သူကတော့ ၁၅၀ ကျော်ရှိပါတယ်”ဟု မီးဘေးသင့်ပြည်သူများကို ကူညီဆောင်ရွက်ပေးနေသည့် စကြာ သာမှုနာမှုအသင်းမှ တာဝန်ရှိသူတစ်ဦးက ပြောသည်။
ဖေဖော်ဝါရီ ၁၅ ရက် နံနက် ၇နာရီခွဲအချိန်ခန့်တွင် မဟာအောင်မြေမြို့နယ်၊ ၇၄-၇၅ လမ်း နှင့် ၃၇-၃၈လမ်းကြားတွင် မီးလောင်မှုဖြစ်ခဲ့ခြင်းဖြစ်ပြီး Level- 2 အဆင့် မီးငြှိမ်းသတ်ယာဥ်များစေလွှတ်မီးငြှိမ်းသတ်ခဲ့ရသည်။
၁နာရီခန့် မီးငြှိမ်းသတ်ခဲ့ရပြီး မီးလောင်မှုကြောင့် ကျပ်သိန်း ၂၄၀ ကျော်ဆုံးရှုံးခဲ့သည်ဟု ဆိုသည်။
Public Service Announcement
မီးလောင်မှုအကြောင်းရင်း နှင့်ပတ်သက်၍ Gas မီးဖိုမှတစ်ဆင့် မီးစတင်လောင်ခြင်းဖြစ်သည်ဟု ပြောဆိုမှုများရှိနေသော်လည်း သက်ဆိုင်ရာက စစ်ဆေးနေဆဲဖြစ်ကြောင်း သတင်းထုတ်ပြန်ထားသည်။
