အကြမ်းဖက်စစ်ကောင်စီတိုက်လေယာဉ်များ မူတြော်(ဖာပွန်)ခရိုင်ရှိ နေရာသုံးနေရာသို့ ယမန်နေ့ည သန်းခေါင်းယံအချိန်တွင် လာရောက်ဗုံးကြဲတိုက်ခိုက်ခဲ့ကြောင်း ကရင်အမျိုးသားအစည်းအရုံး(KNU) တပ်မဟာ(၅)က ထုတ်ပြန် သည်။
ယနေ့(ဖေဖော်ဝါရီ၁၈) နံနက်အစောပိုင်းတွင်အကြမ်း ဖက်စစ်ကောင်စီ၏ တိုက်လေယဉ်(၃)စီးသည် ဒွယ်လိုးမြို့နယ်၊ နားကိုခီးကျေးရွာသို့(၂)လုံး၊ မထောကျေးရွာ အုပ်စု၊ တဒွီးခိုကျေးရွာသို့(၂)လုံးနှင့်မထောကျေးရွာ အုပ်စု၊ လယ်ဓီထာကျေးရွာသို့(၂)လုံး ဗုံးကြဲတိုက်ခိုက်ခဲ့သည်ဟု ဖော်ပြထားသည်။
ယနေ့ နံနက်က အကြမ်းဖက်စစ်ကောင်စီမှ တိုက်လေယဉ်ဖြင့်လာရောက်ပစ်ခတ်ကြဲချရာတွင် အပြစ်မဲ့ပြည်သူများ၏ လုပ်ကိုင်စားသောက်ရာ လယ်ယာ၊ ခြံမြေများအတွင်းသို့ကျရောက်ပေါက်ကွဲပြီး အပြစ်မဲ့ပြည်သူများ တစ်စုံတစ်ရာ ထိခိုက်ဒဏ်ရရရှိမှုမရှိဟု ဆိုသည်။
ယခင်ကလည်း KNU တပ်မဟာ(၅)နယ်မြေသို့ ညသန်း ခေါင်ယံအချိန်တွင် ဗုံးကြဲတိုက်ခိုက်မှုများ မကြာခဏ ပြုလုပ်ခဲ့ရာ အရပ်သားသေဆုံး၊ ဒဏ်ရာရမှုနှင့် အဆောက်အဦများ ထိခိုက်ပျက်စီးမှုများ ဖြစ်ပေါ်ခဲ့သည်။
Public Service Announcement
