မကွေးတိုင်း စေတုတ္တရာမြို့နယ်နှင့် ငဖဲမြို့နယ်အတွင်းရှိ အကြမ်းဖက် စစ်ကောင်စီကို အားပေးထောက်ခံသော ရပ်ကျေးအုပ်ချုပ်ရေးမှူးများနှင့် သတင်းပေးဒလန်များ အနေဖြင့် ယခုလဖေဖော်ဝါရီ ၂၈ရက် နောက်ဆုံးထား၍ ထမ်းဆောင်ဆဲ တာဝန်များမှနှုတ်ထွက်ရမည်ဟု လူထုတော်လှန်ရေးမဟာမိတ်(PRA)က ယနေ့ ထုတ်ပြန်လိုက်သည်။
သတ်မှတ်ရက်အတွင်း နှုတ်ထွက်ရန် ပျက်ကွက်သူများကို လူထုတော်လှန်ရေး ဆူးညှောင့် ခလုတ်များဟု မှတ်ယူကာ အမြစ်ဖြတ်သုတ်သင်သွားမည်ဟုလည်း သတိပေးခဲ့သည်။
PRA နှင့် စစ်ကောင်စီတပ်တို့သည် ပြီးခဲ့သည့် ဇန်နဝါရီတွင် စေတုတ္တရာ မြို့နယ်၌ တိုက်ပွဲဖြစ်ပွားခဲ့ရာ စစ်ကောင်စီတပ်က သေဆုံးထိခိုက်မှုရှိခဲ့သည်။