ဖာပွန်မြို့ အနောက်ဘက်ကမ်းရှိ စစ်ကောင်စီရဲ့အကောက်ခွန်ရုံးတစ်ရုံးကို ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၅ တပ်ဖွဲ့ဝင်တွေက ဖေဖော်ဝါရီ ၂၁ ရက်မနက်က ဝင်ရောက်ဖျက်ဆီးခဲ့တယ်လို့ ကေအဲန်ယူ-မူတြော်သတင်းစဉ်က ထုတ်ပြန်ပါတယ်။
အဲဒီ အကောက်ခွန်ရုံးဟာ ဒေသခံပြည်သူတွေရဲ့ ချွေးနဲစာကို အတင်းအဓမ္မကောက်ယူနေတဲ့ အကောက်ခွန်ရုံးတစ်ရုံးဖြစ်တယ်လို့လည်း ထုတ်ပြန်ချက်မှာ ဖော်ပြထားတာပါ။
ဒါ့အပြင် ဖေဖေါ်ဝါရီ ၂၀ ရက် မနက် ၈ နာရီခွဲအချိန်က တပ်မဟာ ၅ တပ်ဖွဲ့ဝင်တွေက ကဟီးကျိုးစခန်းကို ဝင်ရောက်တိုက်ခိုက်ခဲ့ရာ စစ်ကောင်စီဆေးတပ်သားတစ်ဦးသေဆုံးခဲ့ပြီး အဲ့ဒီနေ့ မနက် ၉ နာရီကျော်အချိန်က မဲပုခီး ညာတဃိုကျိုးနဲ့ မဲဝိုင်မှာ တစ်ကြိမ်စီ တပ်မဟာ ၅ တပ်ဖွဲ့ဝင်တွေက ဝင်ရောက်ပစ်ခတ်ခဲ့လို့ စစ်ကောင်စီဘက်က နှစ်ဦးသေဆုံးပြီး နှစ်ဦးဒဏ်ရာရရှိသွားခဲ့တာဖြစ်ပါတယ်။
ဖေဖေါ်ဝါရီ ၁၉ ရက် မနက် ၉ နာရီကျော်အချိန်ကလည်း ဖာပွန်မြို့ အနောက်ဘက်ကမ်းမှ စစ်ကောင်စီက လက်နက်ကြီးနဲ့ ၃ ချက်ပစ်ခတ်ခဲ့လို့ ဒေသခံပြည်သူလူထုနေအိမ် ၃ လုံး ထိမှန်ပျက်စီးသွားခဲ့တယ်လို့ ကေအဲန်ယူ-မူတြော်သတင်းစဉ်ရဲ့ ထုတ်ပြန်ချက်အရ သိရပါတယ်။
Public Service Announcement
