ရန်ကုန်မြို့ ရွှေပြည်သာမြို့နယ်တွင် အကြမ်းဖက်စစ်ကောင်စီများ တပ်စွဲထားသည့် မြို့နယ်ခန်းမအတွင်းသို့ အသံဗုံးဖောက်ခွဲခဲ့ကြောင်း MSI Youth Defence Forces (MSIYDF) အဖွဲ့က ပြောသည်။
“ဒီနေ့ (ဖေဖော်ဝါရီ ၂၁)ည ၁၁နာရီမှာ ရွှေပြည်သာ ဘုရင့်နောင်လမ်းမှာရှိတဲ့ မြို့နယ်ခန်းမထဲသို့ အသံဗုံးတစ်လုံးပစ်သွင်းခဲ့ပါတယ်။ အဲဒီမှာ စစ်ကောင်စီတပ်သားများတပ်စွဲကာ ဆိုင်ကယ်များကိုလည်းသိမ်းဆည်းထားရာနေရာဖြစ်ပါသည်”ဟု MSIYDF အဖွဲ့ဝင်တစ်ဦးက ပြောသည်။
အသံဗုံးဖြစ်သောကြောင့် ထိခိုက်မှုမရှိသော်လည်း အိပ်ချိန်ဖြစ်သောကြောင့် အကြမ်းဖက်စစ်ကောင်စီ ဝင်များ လက်နက်များကိုလွယ်၍ ကြောက်လန့်ထွက်ပြေးခဲ့ကြောင်း ၎င်းက ဆိုသည်။
“သေနတ်ကိုင်ပြီးထွက်ပြေးကြတာတော့ လူမြင်လို့မကောင်းဘူး ဟိုဘက်ရပ်ကွက်ထိပါ ရောက်တယ်”ဟု ၎င်းက ပြောသည်။
Public Service Announcement
MSIYDF အဖွဲ့အနေဖြင့် မရမ်းကုန်းမြို့နယ်အတွင်း လုယက်မှုကျူးလွန်နေသူများကိုလည်း အပြစ်ပေးမည်ဟု ပြီးခဲ့သည့်ရက်ပိုင်းက ကြေညာထားသည်။
