ကောလင်းမြို့ပေါ်တွင် ကင်းလှည့်နေသည့် အကြမ်းဖက်စစ်ကောင်စီယာဉ်တန်းကို ပြည်သူ့ကာကွယ်ရေးမဟာမိတ်အဖွဲ့များက မိုင်းဆွဲတိုက်ခိုက်ခဲ့သည်။
ကောလင်းပြည်သူ့ကာရေး(ပကဖ)နှင့် The Secret Warrior Kawlin အဖွဲ့ပူးပေါင်း၍ ယမန်နေ့(ဖေဖော်ဝါရီ ၂၃ရက်)နံနက်တွင် စစ်ကောင်စီတပ်ကိုတိုက်ခိုက်ရာ နှစ်ဦးဒဏ်ရာရရှိသွားကြောင်း ဖော်ပြထားသည်။
“ကောလင်းမြို့ပြည်သူ့ပန်းခြံအနောက် တောင်ထောင့်တွင်မိုင်းနစ်လုံးဖြင့် မိုင်းဆွဲတိုက်ခိုက်ရာ four wheelတစ်စီးခဲရောင် ကိုထိခိုက်ခဲ့ပြီးခွေးနှစ်ကောင်ဒဏ်ရာပြင်းထန်ရကြောင်း သိရပါတယ်” ဟု The Secret Warrior Kawlin က သတင်းထုတ်ပြန်သည်။
ဒဏ်ရာရသွားသည့် စစ်ကောင်စီအဖွဲ့ဝင်နှစ်ဦး သေဆုံးပြီဟု သတင်းကြားသော်လည်း အတည်မပြုနိုင်သေးကြောင်း ကောလင်းပြည်သူ့ကာကွယ်ရေးအဖွဲ့ဝင်တစ်ဦးကလူထုနွေဦးသို့ ယနေ့ပြောသည်။
Public Service Announcement
စစ်ကိုင်းတိုင်းအတွင်း နယ်ချင်းထိစပ်နေသော ကောလင်း၊အင်းတော်၊ကသာနှင့် ထီးချိုင့်မြို့တို့တွင် အကြမ်းဖက်စစ်ကောင်စီ ယခင်ကလို အင်အားအများအပြားမတွေ့ရတော့ကြောင်း ဒေသတွင်းအခြေအနေကို ပြည်သူ့ကာကွယ်ရေးအဖွဲ့အချို့က သတင်းမျှဝေသည်။
