ချောင်းဦး-ရေစကြို-ပခုက္ကူလမ်းပိုင်းတွင် စစ်တပ်ကားတစ်စီး တိုက်ခိုက်ခံရ

ချောင်းဦး-ရေစကြို-ပခုက္ကူ လမ်းမကြီးပေါ်တွင် စစ်ကောင်စီတပ်မှ ကားတစ်စီးကို ဖောက်ခွဲတိုက်ခိုက်ခဲ့ကြောင်း Northern – Yesagyo ပြောက်ကျားတပ်ဖွဲ့က ယနေ့(ဖေဖော်ဝါရီ ၂၆)ထုတ်ပြန်သည်။

ယမန်နေ့(ဖေဖော်ဝါရီ ၂၅)က ချောင်းဦး-ရေစကြို-ပခုက္ကူလမ်းပေါ် စစ်ကောင်စီတပ်သားများလိုက်ပါလာသည့် ဖောကားတစ်စီးကို ပဒေသာမိုင်းဖြင့် ဖောက်ခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။

အဆိုပါ စစ်တပ်ယာဥ်နှင့်အတူ လူမှုကူညီရေးကားတစ်စီးကပ်ပါလာပြီး ထိုကားပေါ်တွင် ပြည်သူတစ်ဦးပါသည်ဟု သိရဖြင့် ရှောင်ရှားတိုက်ခိုက်ခဲ့ရကြောင်း N-YSO ပြောက်ကျား တပ်က အသိပေးသည်။

“လူမှု့ကူညီရေးကားပေါ်တွင် ပြည်သူတစ်ဦးပါသည်ဟု ကြားသိရသဖြင့် ရှောင်ရှားကား ခွေးအပြည့်ပါသော ဖော်ကားအဖြူရောင်အား မိုင်းပဒေသာ အတွဲလိုက်ဖြင့် ဧည့်ခံကျွေးမွေးခဲ့ပါသည်”ဟု ထုတ်ပြန်ချက်တွင် ဖော်ပြသည်။

Public Service Announcement

တိုက်ခိုက်ခံရမှုကြောင့် စစ်ကောင်စီတပ်သားများ ထိခိုက်သေဆုံးမှုအခြေအနေကို မသိရသေးသော်လည်း တော်လှန်ရေးရဲဘော်များ အထိအခိုက်မရှိ ပြန်ဆုတ်နိုင်ခဲ့သည်ဟု ဆို သည်။

အထက်ပါတိုက်ခိုက်မှုကို Northern-Yesagyo ပြောက်ကျားတပ်နှင့် ငဘဒေသကာကွယ်ရေးတပ်တို့ ပူးပေါင်းတိုက်ခိုက်ခဲ့ခြင်း ဖြစ်သည်။