ဗန်းမော်-မန္တလေး အဝေးပြေးလမ်းမကြီး ပေါ် တိုက်ပွဲ၌ သေဆုံးခဲ့သော အကြမ်းဖက်စစ်ကောင်စီတပ်သားများကို မီးရှို့ထားခဲ့ကြောင်း ထီးချိုင့်အခြေစိုက် Fox Army-HPDFက ထုတ်ပြန်သည်။
ဖေဖော်ဝါရီ ၂၆ ရက်က ညနေပိုင်းကစ၍ ကသာခရိုင်၊အင်းရွာ မှ ခြေလျင်စစ်ကြောင်းထွက်လာသော အကြမ်း ဖက်စစ်ကောင်စီတပ်ကို ဗန်းမော်-မန္တလေး အဝေးပြေးလမ်းမကြီးပေါ်၌ ၂ ရက်ဆက်တိုက်ခိုက်ခဲ့ကြခြင်းဖြစ်သည်။
ဖေဖော်ဝါရီ ၂၆ရက်က ဖြစ်ခဲ့သည့် အင်းရွာအနီးတိုက်ပွဲတွင် စစ်ကောင်စီဘက်က ဆယ်ဦးခန့်သေဆုံးပြီး အနည်းဆုံး ငါးဦးဒဏ်ရာရခဲ့ပြီး ဖေဖော်ဝါရီ ၂၇ရက်တိုက်ပွဲတွင် စစ်ကောင်စီဘက်က ဆယ်ဦးခန့်သေဆုံးကာ ရှစ်ဦးဒဏ်ရာရရှိခဲ့ကြောင်းသတင်းထုတ်ပြန်ထားသည်။
“ သူတို့စစ်ကြောင်းမှာ ၇၈ ယောက်ပါတယ်ဗျ။ လမ်းပိုင်းတွေမှာ ပြောက်ကျားနည်းနဲ့ ဖြတ်တိုက်ခဲ့တာ” ဟု Fox Army-HPDF တာဝန်ရှိသူတစ်ဦးက လူထုနွေဦးသို့ ပြောသည်။
Public Service Announcement
သေဆုံးခဲ့သည့် စစ်ကောင်စီတပ်သားအချို့ကို ကျော်သာကျေးရွာ ယူကလစ်စိုက်ခင်း အနောက်ဘက်ခြမ်း၌ မီးရှို့ထားသည်ကို ဒေသခံတပ်ဖွဲ့များက နယ်မြေရှင်းလင်းစဥ် တွေ့ရှိထားသည်။
ထို့အပြင် အထိနာနေသော အကြမ်းဖက်စစ်ကောင်စီတပ်က တုံလုံကျေးရွာအနီးတဝိုက်တွင်တပ်ဖြန့်ထားကြောင်း သိရသည်။
