စစ်ကိုင်းတိုင်း ဒီပဲယင်းမြို့နယ် ရဲစခန်းကို ပြည်သူ့ကာကွယ် ရေးပူးပေါင်းအဖွဲ့များ ဝင်ရောက်တိုက်ခိုက်ခဲ့ကြောင်း ဒီပဲယင်းမြို့နယ်ပြည်သူ့ကာကွယ်ရေး အဖွဲ့က ထုတ်ပြန်သည်။
တိုက်ပွဲဖြစ်စဥ်မှာ မတ်လ ၁ ရက် ည ၉နာရီခန့်က ဖြစ်ပွားခဲ့ကာ ရဲစခန်းဝန်းအတွင်း ကျကွဲမိုင်းခုနှစ်လုံးဖြင့် ထိရောက်စွာ တိုက်ခိုက်နိုင်ခဲ့သည်ဟု သိရသည်။
“အကြမ်းဖက်စစ်ခွေး အများအပြား ထိခိုက်သေဆုံးနိုင်သည်။ ( လုံးဝကို အသေအပျောက်ရှိနိုင်ပါသည်။)”ဟု ဒီပဲယင်း(ပကဖ)က ဆိုသည်။
“မြေကြီးတွေကို တုန်ခါသွားတာ နှစ်ကြိမ်လောက်ရှိတယ်။ပြီးမှ သေနတ်သံတွေ ဆက် တိုက်ထွက်လာတာ ၁၅ မိနစ်လောက်တော့ ကြာတယ်”ဟု ဒီပဲယင်းမြို့ ခံတစ်ဦးက လူထုနွေဦးသို့ ပြောသည်။
Public Service Announcement
ပူးပေါင်းတိုက်ခိုက်ခဲ့သည့် ကောင်းကင် ၊စွယ် တော် နှင့် ဇာမဏီ မဟာမိတ် (၃) ဖွဲ့ သည် ဘေးကင်းစွာ ပြန်လည်ဆုတ်ခွာနိုင်ခဲ့သည်ဟုလည်း ဒီပဲယင်း(ပကဖ) က အသိပေးသည်။
အကြမ်းဖက်စစ်ကောင်စီ၏ မြို့ပေါ် ရဲစခန်း တိုက်ခိုက်ခံရသည့်အတွက် ဒီပဲယင်းမြို့ ဒေသခံများအနေဖြင့် ယနေ့(မတ်လ ၂ ရက်)တွင် အသွားအလာ ဂရုပြုဆင်ခြင်ရန်လည်း ပြည်သူ့ကာကွယ်ရေးတပ်များက တိုက်တွန်းသည်။
