အမေရိကန်သမ္မတနှင့် အာဆီယံခေါင်းဆောင်များ၏ အထူးထိပ်သီးညီလာခံတွင် အကြမ်းဖက်စစ်ကောင်စီခေါင်းဆောင်ကို ဖိတ်ကြားမည်မဟုတ်ဘဲ နိုင်ငံရေးနှင့်မသက်ဆိုင်သူကိုယ်စားလှယ်ကိုသာ ဖိတ်ကြားသွားမည်ဟု အမေရိကန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ပြောသည်။
ဝါရှင်တန်မြို့တော်၌ မတ်လ ၂၈ရက် မှ ၂၉ရက်အထိကျင်းပမည့် အမေရိကန်-အာဆီယံ အထူးထိပ်သီး ညီလာခံတွင် အာဆီယံလမ်းစဥ်အတိုင်း နိုင်ငံရေးနှင့်မသက်ဆိုင်သူကိုယ်စားလှယ် (non-political representative)ကိုသာ ဖိတ်ကြားမည်ဟု ဆိုသည်။
“အဆင့်မြင့်အခမ်းအနားတွေမှာ မြန်မာနိုင်ငံက non-political representatives ကိုဖိတ်ကြားဖို့ အာဆီယံရဲ့ဆုံးဖြတ်ချက်ကို အမေရိကန်က ထောက်ခံပါတယ်”ဟု နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက မတ်လ ၂ရက်တွင် ပြောသည်။
အမေရိကန်သမ္မတနှင့် အာဆီယံခေါင်းဆောင်များ ပထမဆုံးအကြိမ် လူချင်းတွေ့ဆုံမည့် ယင်းအထူးထိပ်သီး ညီလာခံတွင် မြန်မာ့စစ်အာဏာသိမ်းမှုဖြေရှင်းရေးအပါအဝင် ကပ်ရောဂါ ပြန်လည်ကုစားရေး၊ ရာသီဥတုပြောင်းလဲမှု၊ ရင်းနှီးမြှုပ်နှံမှု နှင့် အခြေခံအဆောက်အဦ စသည်တို့ကိုဆွေးနွေးရန် စီစဥ်ထားသည်။
Public Service Announcement
ကိုးကား – Reuters
