ယင်းမာပင်မြို့နယ် ဘန့်ဘွေးရွာသို့ ဦးတည်လာသည့် အကြမ်းဖက်စစ်ကောင်စီတပ်ကို မိုင်ဆွဲတိုက်ခိုက်ရာ ၁၀ ဦးခန့်သေဆုံးကြောင်း မြွေဟောက်ပြောက်ကျားတပ်ဖွဲ့က ထုတ်ပြန်သည်။
ယနေ့(မတ်လ ၄ ရက်) နံနက် ၁၀နာရီခန့်က အင်အား ၁၅၀ခန့်ပါ အကြမ်းဖက်စစ်ကောင်စီစစ်ကြောင်းကို မိုင်းအလုံး ၃၀ကျော်ဖြင့် တိုက်ခိုက်ခဲ့သည်ဟု ဆိုသည်။
“ခွေးသေများအား ကားနှစ်စီးဖြင့်သယ်ယူနေပြီဖြစ်ကြောင်း မြေပြင်သတင်းရရှိပါတယ်ဗျာ၊ ခွေးသေတစ်ချို့ကိုတော့ ပီနံ အိပ်ဖြင့်ထည့်နေသည်ကိုမြင်တွေ့ရပါတယ်”ဟု မြွေဟောက်ပြောက်ကျားတပ်ဖွဲ့က ပြော သည်။
ယနေ့ တိုက်ပွဲကို မြွေဟောက်ပြောက်ကျားတပ်ဖွဲ့ ၏ ညီနောင်မဟာမိတ်များဖြစ်သော Regional Friend Fighters ၊ မိုးသောက်ကြယ်အဖွဲ့၊ ချင်းတွင်းဒေါင်းနှင့် ဒေသခံကာကွယ်ရေးတပ်ဖွဲ့များ ပူးပေါင်းတိုက်ခိုက်ခဲ့ခြင်းဖြစ်သည်ဟုလည်း အသိပေးသည်။
Public Service Announcement
ယင်းမာပင်မြို့နယ်အတွင်းသို့ အကြမ်းဖက်စစ်ကောင်စီတပ်က ဖေဖော်ဝါရီ ၂၆ ရက်ကစ၍ ထိုး စစ်ဆင်ခဲ့ပြီး တိုက်ခိုက်ရေး ရဟတ်ယာဥ်များ အသုံးပြုကာ ဒေသခံ ကျေးရွာများကို ဝင်ရောက်စီးနင်းခဲ့သည်။
ထို့အပြင် ပြည်သူအချို့လက်နက်ကြီးထိမှန်သေဆုံးခဲ့ပြီး ညောင်ကိုင်း၊ချင်းပုန်း၊သပြေအေး၊ကျောက် ပြုတ်ကျေးရွာမှ လူနေအိမ်များစွာ မီးရှို့ဖျက်ဆီးခံခဲ့ရသည်။
