ချင်းပြည်နယ်နှင့်မကွေးတိုင်းနယ်စပ် တစ်နေရာတွင် ယနေ့တိုက်ပွဲဆက်လက်ဖြစ်ပွားခဲ့ရာ စစ်ကောင်စီ တပ်မှ ၇ဦးသေဆုံးခဲ့ကြောင်း ကန်ပက်လက် ချင်းကာကွယ်ရေးတပ်(CDF)က ထုတ်ပြန်သည်။
မတ်လ ၄ရက် နေ့လယ်၁နာရီ မိနစ်၄၀အချိန်တွင် ကန်ပက်လက်မြို့နယ် နှင့်မကွေးတိုင်းနယ်စပ်၌ ကျောက်ထုဘက်မှ စစ်ကြောင်း သုံးကြောင်းခွဲပြီး စစ်ကြောင်းထိုးလာသော စစ်ကောင်စီစစ်ကြောင်းနှင့် ကန်ပက်လက် CDF တို့ထိတွေ့တိုက်ပွဲဖြစ်ခဲ့သည်ဟု ဆိုသည်။
တိုက်ပွဲ၌ အကြမ်းဖက်စစ်ကောင်စီဘက်မှ သေဆုံးမှုရှိသော်လည်း CDFတပ်ဖွဲ့ဝင်များ ဘေးကင်းကြောင်း၊ ခုခံတိုက်ပွဲ ဆက်လက် ဖြစ်ပွားနေကြောင်း ကန်ပက်လက် CDFက ထုတ်ပြန်သည်။
ချင်း – မကွေးနယ်စပ်ကန်ပက်လက်နယ်တွင်ဖေဖော်ဝါရီလကုန်ကတည်းက CDFနှင့် စစ်ကောင်စီတပ် အကြားတိုက်ပွဲများ ဖြစ်ပွားခဲ့ပြီးစစ်ကောင်စီတပ်က ထိခိုက်သေဆုံးမှုများရှိခဲ့သည်။
Public Service Announcement
