'/%3E%3C/svg%3E){kind=small}
ပဲခူးရိုးမပေါ်သို့တက်လာသော အကြမ်းဖက်စစ်ကောင်စီတပ်ဖွဲ့ဝင်များကို ဗုံးခွဲတိုက်ခိုက်ခဲ့ကြောင်း ပြည်မြို့နယ် ပြည်သူ့ကာကွယ်ရေးတပ်မတော် တပ်ရင်း (၃၆၀၁) တပ်ခွဲ -၁၊ ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့(PPDF)က သတင်းထုတ်ပြန် သည်။
ယနေ့(မတ်လ၈ ရက်) နံနက် ၉နာရီခွဲခန့်က ပေါင်းတည်မြို့နယ် သိမ်ကုန်းအုပ်စု လဲပင်ကျေးရွာ အထက်ပဲခူးရိုးမပေါ်သို့တက်လာသော စစ်ကောင်စီတပ်ဖွဲ့ဝင် ၁၇ဦးကို မိုင်းခွဲတိုက်ခိုက်ခဲ့ခြင်းဖြစ်ကြောင်း PPDF၏ ထုတ်ပြန်ချက်တွင်ဖော်ပြထားသည်။
အပြန်အလှန်ပစ်ခတ်မှုများဖြစ်ပွားခဲ့ပြီး စစ်ကောင်စီတပ်ဖွဲ့ဝင်များ ထိခိုက်သေဆုံးမှုများရှိသော်လည်း PPDF ရဲဘော်များထိခိုက်ဒဏ်ရာရရှိသူမရှိကြောင်း ဆက်လက်ဖော်ပြထားသည်။
ပြည်သူများအနေဖြင့် ပဲခူးရိုးမပေါ်သို့ မတ်လ ၈ရက်ကစ၍ ဖြတ်သန်းသွာလာခြင်းမပြုရန် တောင်ငူခရိုင်ပြည်သူ့ကာကွယ်ရေးတပ်၏ ဘုရင့်နောင်တပ်ရင်း၊ တပ်ရင်းအမှတ်(၃၅၀၁)က မတ်လ ၇ ရက်တွင် သတိပေး ထုတ်ပြန်ထားသည်။
Public Service Announcement
ထို့အပြင် မတ်လ ၄ ရက် နေ့လယ်၁၂ နာရီခန့်က အကြမ်းဖက်စစ်တပ်၏ စစ်သားအင်အား၈၀ခန့်ကို တောင်ငူခရိုင် PDF၊ တပ်ရင်းအမှတ် (၃၅၀၁)မှ ကမ်းပါးယံပေါ်မှ အသင့်နေရာယူ၍ ရှေ့ထွက်မိုင်း လေးလုံးဖောက်ခွဲပြီး အပေါ်စီးမှ ဝိုင်းဝန်းပစ်ခတ်တိုက်ခိုက်နိုင်ခဲ့ပြီး တိုက်ပွဲဖြစ်ပွားရာ နေရာ၌ပင် စစ်ကောင်စီတပ်သား ၁၅ ဦးခန့်သေဆုံးနိုင်ကာ ဒဏ်ရာရသူများလည်းရှိကြောင်း သိရသည်။
