Connect with us

Hi, what are you looking for?

LuduNwayOo

News

စစ်​ဘေး​ရှောင်များခိုလှုံ​နေ​သောနတ်​မြောင်း​ရွာဘုန်းကြီး​ကျောင်းကို စစ်​တပ်လက်နက်ကြီးဖြင့်ပစ် ပြည်သူ၅ ဦးဒဏ်ရာရ ၊ ဗုံးခိုကျင်းအတွင်းပုန်း​နေသူကိုလည်းပစ်သတ်

မြောက်သို့ဦးတည်နေပြီး ထောက်ကြန့်အင်ခုံဖက်သို့ဝင်လာနိုင်သည်ဖြစ်၍ ပြည်သူများအထူးသတိဝိရိယထားနေထိုင်ကြရန် Local Kalay PDF က သတိပေးသည်။

(နတ်မြောင်းနှင့်နတ်ချောင်းကျေးရွာစစ်ဘေးရှောင်များ။ ဓါတ်ပုံ-CJ)

စစ်ဘေးရှောင်များရှိနေသည့် ကလေးမြို့နယ် နတ်မြောင်းကျေးရွာ ဘုန်းကြီးကျောင်းကို အကြမ်းဖက်စစ်ကောင်စီတပ်က လက်နက်ကြီးဖြင့် ပစ်ခတ်၍ စစ်ဘေးရှောင် ငါးဦးဒဏ်ရာရခဲ့ပြီး ရွာအပြင်ဖက်မှ ဗုံးခိုကျင်းတွင်ပုန်းနေသည့်အရပ်သားတစ်ဦးကိုလည်းသတ်ဖြတ်သွားသည်ဟု ​​ဒေသခံများနှင့် ပြည်သူ့ကာကွယ်ရေးအဖွဲ့ များက​ပြောသည်။

နတ်မြောင်းကျေးရွာ အောင်မြေရာပြည့်ဘုန်းတော်ကြီးကျောင်းကို မတ်လ ၈ရက် နေ့လယ်တွင် လက်နက်ကြီးဖြင့် ပစ်ခတ်တိုက်ခိုက်ခြင်းဖြစ်သည်။

Public Service Announcement

“အရပ်သားတွေက ဘုန်းကြီးကျောင်းမှာ စစ်ရှောင်နေကြရတာ။ အဲ့ဒါကို သိသိကြီးနဲ့ ပစ်တာ။ ငါးယောက်ထိတယ်။ နှစ်ယောက်က စိုးရိမ်ရတယ်”ဟုကလေးမြို့ခံတစ်ဦကPeople’s Spring သို့ပြောသည်။

ထို့အပြင်နတ်မြောင်းကျေးရွာ သုသာန်အနီးတွင်ပုန်းခိုကျင်းတူး၍ စစ်ရှောင်နေသည့် အရပ်သားတစ်ဦးကိုလည်းအကြမ်းဖက်စစ်ကောင်စီက သတ်ဖြတ်သွားသည်ဟု ကလေးပြည်သူ့ကာကွယ်ရေးတပ်ဖွဲ့ဖြစ်သောLocal Kalay PDFကသတင်းထုတ်ပြန်သည်။

Public Service Announcement

Public Service Announcement

အကြမ်းဖက်စစ်ကောင်စီတပ်များသည်ယနေ့(မတ်လ၉ရက်)နံနက်တွင် အင်စိန်ရွာဟောင်းလမ်းဖက်မှမြောက်သို့ဦးတည်နေပြီး ထောက်ကြန့်အင်ခုံဖက်သို့ဝင်လာနိုင်သည်ဖြစ်၍ ပြည်သူများအထူးသတိဝိရိယထားနေထိုင်ကြရန် Local Kalay PDF က သတိပေးသည်။

အိမ်ခြေ သုံးထောင်နီးပါးရှိသည့်နတ်မြောင်းနှင့် နတ်ချောင်းကျေးရွာသည် တစ်ဆက်တည်း ရှိနေပြီး ဒေသခံအရပ်သားများသည် အကြမ်းဖက်စစ်ကောင်စီရန်မှ ရှောင်ရှားနိုင်ရန် ၂၀၂၁ ဒီဇင်ဘာလကတည်းက ထွက်ပြေးတိမ်းရှောင်နေရခြင်းဖြစ်သည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။

သတင်း

စစ်ကောင်စီ၏တိုက်ခိုက်မှုများကြောင့် ၂၀၂၃ နိုဝင်ဘာ ၁၃ရက်မှ ယခုနှစ်မတ်လ ၂၁ရက်နေ့အထိ အရပ်သား ပြည်သူ ၁၇၉ ဦးသေဆုံးကာ ၄၆၈ ဦး ဒဏ်ရာရရှိခဲ့သည်ဟု AAက ထုတ်ပြန်ထားသည်။

သတင်း

ပြီးခဲ့သည့် ၂၀၂၃ အောက်တိုဘာနောက်ပိုင်း တိုက်ပွဲပြင်းထန်လာမှုနှင့်အတူ နိုင်ငံတဝန်း လေကြောင်းတိုက်ခိုက်မှု မြင့်တက်လာခဲ့ပြီး နေရပ်စွန့်ခွာသူဦးရေသည်လည်း လျင်မြန်စွာမြင့်မားလာခဲ့ကြောင်း ထုတ်ပြန်သည်။