လွတ်လပ်စွာပြောဆိုနေထိုင်ခွင့်မရှိပါက မည်သည့်နေရာ၌ ဖြစ်စေ အကျဉ်းသား ဖြစ်သည်ဟု ထောင်တွင်းရဲဘော်များက အင်္ကျီတွင် ကဗျာနှင့် စာများရေး၍ မြန်မာပြည်သူလူထုသို့ အသိပေးပြောကြားသည်။
အဆိုပါ အင်္ကျီကိုအကျဉ်းထောင်တစ်ခုမှ ခက်ခဲစွာ အပြင်သို့ ထုတ်လာခြင်း ဖြစ်ပြီး မည်သည့်ထောင်က ဖြစ်သည်ဆိုသည်ကို သတင်းရင်းမြစ်က လတ်တလော ထုတ်ဖော်ခြင်း မရှိပေ။
“လွတ်လပ်စွာ ပြောဆိုနေထိုင်ခွင့်မရှိရင် ထောင်ထဲမှမဟုတ်ဘူး ဘယ်နေရာပဲ ထားထား အကျဉ်းကျနေတဲ့ အကျဉ်းသားပဲ”ဟု ထောင်ကျနေသည့် စစ်အာဏာရှင် ဆန့်ကျင်ရေး ရဲဘော်တစ်ဦးက ပြောသည်။
“ငါတို့ စိုက်ပျိုးတဲ့ သီးပွင့်များ နောက်လူတွေ စားသုံးရပါစေ”၊ “ခန္ဓာကို အကျဉ်းချထားလို့ ရပေမယ့် ငါတို့ရဲ့ စိတ်ဓာတ်နဲ့ သွေးကိုတော့ ချုပ်နှောင် ထားလို့ မရဘူး။ စိတ်ဓာတ်က တော်လှန်နေတုန်း၊ သွေးတွေက အာဏာရှင်ကို ဆန့်ကျင်ဘို့ ဗလောင်ဆူနေတုန်းပဲ ရဲဘော်တို့” ဟူသည့် စာများလည်း ထောင်တွင်းမှ ပို့လာသည့် အင်္ကျီတွင် ရေးသားထားသည်။
Public Service Announcement
ထို့ပြင် “တော်လှန်ရေး မွှေးထားတဲ့ မီးကို မသေစေနဲ့ ၊ မီးအဖြစ် ပြာကျသည် အထိ လောင်ကျွမ်းဖို့ ငါတို့အသင့်”ဟု ထောင်တွင်း ရဲဘော်တစ်ဦးက ရေးသားခဲ့သည်။
