ကရင်နီ(ကယား)ပြည်နယ် ဒီးမော့ဆိုမြို့နယ် အိုးခူးရီးရွာတွင်တပ်စွဲထားသော စစ်ကောင်စီတပ်သားများ စနိုက်ပါထိမှန်ပြီး လေးဦးသေဆုံးကြောင်း အလယ်ပိုင်းတိုင်းအထူးစစ်ဆင်းရေးအဖွဲ့က ယနေ့ညပိုင်းတွင် ထုတ်ပြန် သည်။
ယနေ့(မတ်လ ၁၈ ရက်)နေ့လယ်ပိုင်းက အလယ်ပိုင်းတိုင်းအထူးစစ်ဆင်းရေးစနိုက်ပါအဖွဲ့၊ လွိုင်ကော် PDF စနိုက်ပါအဖွဲ့ ၊ ဒီမောဆို PDF စနိုက်ပါအဖွဲ့တို့မှ ပူးပေါင်းတိုက်ခိုက်ခဲ့သည်ဟု ဖော်ပြသည်။
ပြည်သူ့ကာကွယ်ရေးပူးပေါင်းတပ်မှ စနိုက်ပါအဖွဲ့၏ တိုက်ခိုက်ခြင်းကိုခံရပြီးနောက် စစ်ကောင်စီဘက်မှလက်နက်ကြီးများဖြင့် ရမ်းသန်းပစ်ခတ်ခဲ့သည်ဟုလည်း အလယ်ပိုင်းတိုင်းအထူးစစ်ဆင်းရေးအဖွဲ့က ဆိုသည်။
ပူးပေါင်းစနိုက်ပါအဖွဲ့မှ တစုံတရာထိခိုက်မှုမရှိပဲ အောင်မြင်စွာဆုတ်ခွာနိုင်ခဲ့ကြောင်း အသိပေးသည်။
မတ်လ ၁၇ ရက်ကလည်း အိုးခူးရီးရွာတွင် တပ်စွဲထားသောစစ်ကောင်စီတပ်ကို အလယ်ပိုင်းတိုင်းအထူးစစ်ဆင်းရေးစနိုက်ပါအဖွဲ့နှင့်လွိုက်ကော် PDF စနိုက်ပါအဖွဲ့တို့မှပူးပေါင်းတိုက်ခိုက်ခဲ့ရာ စစ်ကောင်စီတပ်ဘက်မှ အရာရှိတစ်ဦးအပါအဝင် ခြောက်ဦးသေဆုံးခဲ့ကြောင်း ထုတ်ပြန်ထားသည်။