ကလေးမြို့နယ်၊ မှန်တောရွာတိုက်ပွဲ၌ ပြည်သူ့ကာကွယ်ရေးတပ်ဖွဲ့မှ တပ်ဖွဲ့ဝင်မောင်နိုင်လင်းအောင် ကျဆုံးခဲ့ရပြီးတော်လှန်ရေးအတွက် ပေးဆပ်ခဲ့မှုများအပေါ် လေးစားဂုဏ်ပြုပါကြောင်း Chinland Defense Force – Kalay Kabaw Gangaw ။ တပ်ရင်း (၄) က သတင်းထုတ်ပြန်ထားသည်။
ကလေးဒေသတွင် ယခုရက်ပိုင်းတိုက်ပွဲအပြင်းအထန်ဖြစ်နေပြီးချင်းပြည်ကာကွယ်ရေးတပ်CDF(ကလေး၊ကဘော်၊ဂန့်ဂေါ) တပ်ရင်း (၄) မှ တပ်ဖွဲ့ဝင်မောင်နိုင်လင်းအောင်
သည် မတ်လ ၁၈ရက်တွင် ကျဆုံးခဲ့ခြင်းဖြစ်သည်။
“အကြမ်းဖက်စစ်အာဏာရှင်ကို တိုက်ခိုက်ချေမှုန်းပြီးဂုဏ်ရောင်ပြောင်ဝင်းစွာကျဆုံးသွားခဲ့ပါသည်။မောင်နိုင်လင်းအောင်၏ တော်လှန်ရေးအတွက် ပေးဆပ်ခဲ့မှုများအပေါ် မိမိတို့ CDF-KKG မှ လေးစားဂုဏ်ပြုပါကြောင်း နှင့် ကျန်ရစ်သူမိသားစု နှင့် အတူတကွ ထပ်တူထပ်မျှ ဝမ်းနည်းကြောင်း မှတ်တမ်းတင်အပ်ပါသည်” ဟု ယနေ့(မတ် ၁၉ရက်)ထုတ်ပြန်သည်။
မောင်နိုင်လင်းအောင်သည် စစ်အာဏာရှင်စနစ် ပပျောက်ရေး၊ ပြည်သူလူထုကာကွယ်ရေးနှင့်ဖက်ဒရယ်ဒီမိုကရေစီတည်ဆောက်ရေးအတွက် တိုက်ပွဲဝင်ရင်း ကျဆုံးခဲ့သည်ဟုလည်း ဂုဏ်ပြုထားသည်။
အကြမ်းဖက်စစ်ကောင်စီသည် ကလေးမြို့နယ်မှ ကျေးရွာအများစုကို ထိုးစစ်ဆင်နေပြီး ချင်းတောင်သို့ ဆက်သွယ်ရာတွင် အဓိက ကျသည့် ရွာများကို ဦးတည်တိုက်ခိုက်နေသည်ဟု ဒေသခံများကပြောသည်။ ဒေသခံပြည်သူ့ကာကွယ်ရေးတပ်များကလည်းပူးပေါင်းခုခံတိုက်ခိုက်နေရာ စစ်ကောင်စီဘက်က အထိနာနေသည်။ထိုကြောင့် အကြမ်းဖက်စစ်ကောင်စီတပ်က အရပ်သားနေအိမ်များကို မီးရှို့ဖျက်ဆီးမှုများပိုမိုပြုလုပ်နေသည်။
Public Service Announcement
