●လာစစ်ဆေးသောစစ်သားများမိုင်းထပ်ဆွဲခံရပြီး ၄ဦးဒဏ်ရာရ
စစ်ကိုင်းတိုင်း၊ထီးချိုင့် မြို့နယ် တကောင်းနီကယ်စက်ရုံအနီး အကြမ်းဖက်စစ်ကောင်စီတပ်မှဆရာဝန် ယာဥ်မိုင်းဆွဲခံရပြီး နှစ်ဦးသေဆုံးကြောင်း Special.9-HPDF က ယနေ့(မတ်လ ၂၂ ရက်)တွင် ထုတ်ပြန်သည်။
ယမန်နေ့ (မတ်လ ၂၁ ရက်) ည ၈ နာရီခန့်က မောင်းကုန်းကျေးရွာအနီးဆွဲမိုင်း ၈ လုံး ဆင်၍ အကြမ်းဖက်စစ်ကောင်စီ တပ်ကို တိုက်ခိုက်ခဲ့ခြင်းဖြစ်ကြောင်း Special.9-HPDF တာဝန်ရှိသူက ပြောသည်။
“မက်ခ်တူး ယာဥ် ။စခ ဆရာဝန်ကို စောင့်ရှောက်ဖို့ ရဲတစ်ဦး ပါတယ်။သူလည်းသေတယ်။တပ်ကြပ်သာစိန်လို့ သိရတယ်”ဟု အထက်ပါတာဝန်ရှိသူက လူထုနွေဦး သို့ ပြောသည်။
Public Service Announcement
ထို့နောက် နာရီဝက်အကြာတွင် မိုင်းဆွဲခံရသည့် နေရာသို့ လာရောက်စစ်ဆေးသည့် အကြမ်းဖက်စစ်ကောင်စီတပ်သားများကိုကို ထပ်မံမိုင်းဆွဲ တိုက်ခိုက်နိုင်ခဲ့ကြောင်းလည်း ထုတ်ပြန်ချက်၌ ဖော်ပြသည်။
“အခု တကောင်း ဆေးရုံမှာ ဒဏ်ရာရ စခလေးယောက်ကို တင်ထားတယ်။နှစ်ယောက်က အခြေအနေ သိပ်မကောင်းဘူးလို့ ထပ်သိရတယ်”ဟု အထက်ပါတာဝန်ရှိသူကဆက် ပြောသည်။
