မြင်းမူနယ်တွင် တော်လှန်ရေးညီနောင်လေးဖွဲ့ပူးပေါင်းပြီး စစ်ကောင်စီတပ်အားတိုက်ခိုက်ခဲ့ရာ စစ်ကောင်စီတပ်သား ၂ ဦးသေဆုံးကြောင်း မြောင်မြို့နယ် တော်လှန်ရေးတပ်က ယနေ့(မတ် ၂၅)ထုတ်ပြန်သည်။
အဆိုပါတိုက်ခိုက်မှုကို မြိုင်မြို့နယ် တော်လှန်ရေးတပ်နှင့်အတူ စစ်ကိုင်းခရိုင် တပ်ရင်း(၁)၊ အရပ်တပ်ခွဲ (၁)၊ Knight Commanders(MMU)၊ Zarmani Revolution Force တို့မှ စာသင်ကျောင်းတစ်ခုတွင်တပ်စွဲထားသော စစ်ကောင်စီတပ်များ ကင်းလှည့်လာစဥ် ယမန်နေ့ည ၇ နာရီကျော်က တိုက်ခိုက်ခဲ့ခြင်း ဖြစ် ကြောင်း ထုတ်ပြန်ချက်တွင် ဖော်ပြသည်။
“မြင်းမူမြို့ပေါ်မှာဖြစ်တာပါ။စစ်ကောင်စီရဲ့အထက်တန်းစာမေးပွဲဖြေဆိုရန်အတွက် လုံခြုံရေးစောင့်တပ်စွဲထားကြတာပါ။ကင်းပတ်တာကတော့ ခြေလျင်ပါပဲ။ အဲ့အချိန်မှာကျွန်တော်တို့ကပြောက်ကျားတိုက်ခိုက်လိုက်တာပါခင်ဗျာ။”ဟု မြောင်မြို့နယ် တော်လှန်ရေးတပ် MRA မှ တာဝန်ရှိသူက ပြောသည်။
အဆိုပါတိုက်ခိုက်မှုကြောင့် စစ်ကောင်စီတပ်သား ၂ဦးသေဆုံးပြီး ၈ဦးအပြင်းအထန်ဒဏ်ရာရရှိသွားကြောင်း လည်းပါရှိသည်။
မြောင်မြို့နယ် တော်လှန်ရေးတပ်အနေဖြင့် စစ်ကောင်စီတပ်အား အရှိန်အဟုန်မြှင့် တိုက်ခိုက်နေပြီး ပြည်သူများအနေဖြင့်လည်း ၎င်းတို့နှင့် အနီးကပ်မနေရန်နှင့် စစ်ကောင်စီတပ်များကို ရှောင်ကွင်းသွားလာကြရန် သတိပေးထားသည်။