မန္တလေးမှာ သွားလာနေတဲ့ ယာဉ်တွေ ၊ဆိုင်ကယ်တွေကို တားဆီးစစ်ဆေးနေတဲ့ စစ်ကောင်စီပူးပေါင်း အဖွဲ့ ဟာ ဒီနေ့မနက်ပိုင်းက ပစ်ခတ်ခံလိုက်ရတယ်လို့သိရပါတယ်။
ဒီနေ့မနက်ပိုင်းက မဟာအောင်မြေမြို့နယ် အတွင်း ရတနာပုံခန်းမရှေ့မှာ စစ်ကောင်စီပူးပေါင်းအဖွဲ့က စစ်ဆေးနေချိန် သေနတ်နဲ့အပစ်ခံလိုက်ရတာပါ။
စစ်ကောင်စီပူးပေါင်းအဖွဲ့ဟာ ဆိုင်ကယ် နှစ်စီးကို တားဆီးချိန် အဲဒီဆိုင်ကယ်ပေါ်က အမျိုးသားတစ်ဦးက သေနတ်နဲ့ပစ်ခတ်တာလို့သိရပါတယ်။
ပစ်ခတ်မှုကြောင့် စစ်ကောင်စီလက်အောက်ခံ ရဲတပ်ဖွဲ့ဝင်တစ်ဦး ညာဘက်ခါးကိုသေနတ်မှန်သွားပြီး စစ်ကောင်စီဘက်ကလည်းပြန်လှန်ပစ်ခတ်ခဲ့ပါတယ်။
Public Service Announcement
ဒဏ်ရာရသွားတဲ့ ရဲ ကို နန်းတွင်းစစ်ဆေးရုံမှာ ကုသပေးနေပြီး စိုးရိမ်ရတယ်လို့သိရပါတယ်။
