Connect with us

Hi, what are you looking for?

LuduNwayOo

News

ပေါက်မြို့နယ်တွင် ဘုန်းကြီးကျောင်း၌ တပ်စွဲထားသော စစ်ကောင်စီတပ်အား မဟာမိတ်သုံးဖွဲ့ပေါင်းတိုက်ခိုက်

မကွေးတိုင်း ပေါက်မြို့နယ်တွင် ဘုန်းကြီးကျောင်း၌ တပ်စွဲထားသော အကြမ်းဖက် စစ်ကောင်စီတပ်နှင့် ပျူစောထီးများအား ပေါက်နှင့်ပခုက္ကူPDF မဟာမိတ်သုံးဖွဲ့ပေါင်း တိုက်ခိုက်ခဲ့ရာ စစ်သား ဦးလေးနှင့် ပျူစောထီးတစ်ဦး သေဆုံးခဲ့ကြောင်း မဟာမိတ်အဖွဲ့များက အသိပေးထုတ်ပြန်သည်။

စစ်သား ဦးလေးနှင့် ပျူစောထီးတစ်ဦးသေဆုံး

ယမန်နေ့ (မတ်လ ၂၆ ရက်)နံနက် ၅ နာရီခွဲခန့်က ပေါက်မြို့နယ်၊ ကုက္ကိုစုရွာ ဘုန်းကြီးကျောင်း ၌ တပ်စွဲထား၍ ပြည်သူလူထု၏ အသက်အိုးအိမ်၊စည်းစိမ်ကို နေ့စဥ်နှင့်အမျှ လုယက် သတ်ဖြတ်နေသော ရဲ၊စစ်သားနှင့် ပျူစောထီးများအား ပြည်သူ့ကာကွယ်ရေးတပ်မတော် ပေါက်မြို့နယ်၊ ပခုက္ကူတော်လှန်ရေးတပ်ဦး (PRF)နှင့် Pakokku Generation Z မဟာမိတ် တပ်ပေါင်းစုတို့ပူးပေါင်း၍ လက်နက်ကြီးဖြင့် စတင်တိုက်ခိုက်ပြီး မိနစ် ၃၀ခန့် အပြန်အလှန် ပစ်ခတ်မှုဖြစ်ပွားခဲ့ကြောင်း၊ စစ်သား လေးဦးနှင့် ပျူစောထီး တစ်ဦးသေဆုံးပြီး ပြည်သူ့ကာကွယ်ရေးတပ်ပေါင်းစုတို့အနေဖြင့် အထိအခိုက်မရှိအောင်မြင်စွာ ဆုတ်ခွာ နိုင်ခဲ့ကြောင်း ပခုက္ကူတော်လှန်ရေးတပ်ဦး(PRF)က ထုတ်ပြန်သည်။

“ကုက္ကိုစုရွာမှာက တစ်ရွာလုံးနီးပါးလောက်က ပျူတွေ၊ တပ်စွဲထားတာလည်း တော်တော် ကြာပြီ။ အခွင့်မသာသေးလို့ဒီအတိုင်းကြည့်နေရတာ။ မနေ့ကကျ အခွင့်သာ တာနဲ့သွားပြီး တိုက်လိုက်တာ။ နာရီဝက်လောက်တိုက်ပွဲဖြစ်လိုက် တယ်။ ပေါက်၊ ရေပြာဘက် ကနေ စစ်ကူ စစ်ကားတွေ ရောက်လာလို့ ပြန်ပြီးဆုတ်ခဲ့တယ်။လက်လုပ် ၆၀ မမနဲ့ လေးချက်လောက် ပစ်ကူပေးပြီး လက်နက်ငယ်တွေနဲ့ ပစ်ခတ်ခဲ့တာပါ။ မြိုင်၊ ကမ္မဘက်တွေ၊ ပေါက်ဘက်တွေ တချို့မှာ စစ်တပ်ကိုအားကိုးပြီးတော့ စစ်တပ်ကိုမျက်နှာမူပြီး ပြည်သူကို ပုန်ကန်တဲ့အဖွဲ့တွေ ရှိတယ်။ ဒီလိုအဖွဲ့တွေကို ကျွန်တော်တို့က တာဝန်အရတော့ ဝင်ပြီးတော့ တိုက်နေဦးမှာပဲ။”ဟု ပခုက္ကူတော်လှန်ရေး တပ်ဦး(PRF)မှ သတင်းတာဝန်ခံ ရဲဘော်လျှပ်စီးက ပြောသည်။

ပြီးခဲ့သည့် မတ်လ ၁၃ရက်ကလည်း နံနက်ပိုင်းက ပေါက်မြို့နယ်၊ သီးခြောက်ရွာရှိ စစ်ကောင်စီ သတင်းပေး အမျိုးသားတစ်ဦးအား ပခုက္ကူတော်လှန်ရေး တပ်ဦး (P.R.F) နှင့် Pakokku Generation Z တို့ ပါဝင်သော မဟာမိတ်ညီနောင် နှစ်ဖွဲ့မှ သုတ်သင်ရှင်းလင်းခဲ့သေးသည်။

Public Service Announcement

Public Service Announcement

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။