ယနေ့ မုံရွာမြို့နေရာအနှံ့တွင် ဗုံး၉လုံးပေါက်ဟုဆို
မုံရွာမြို့တွင် အိမ်စီးကားအသုံးပြုလာသော စစ်ကောင်စီအဖွဲ့ကို ဗုံးပစ် တိုက်ခိုက်ရာ တစ်ဦးသေ ဆုံးပြီး သုံးဦးဒဏ်ရာအပြင်းအထန်ရရှိခဲ့ကြောင်း Special Regional Attacks Force-Monywaက ယနေ့(မတ်လ ၂၇ ရက်)တွင် ထုတ်ပြန်သည်။
စစ်ကောင်စီတပ်သားများ သေဆုံးထိခိုက်ခဲ့သည့် ဖြစ်စဥ်မှာ ယမန်နေ့(မတ်လ ၂၆ ရက်)ည ၇နာရီခန့်က ပေ၈၀လမ်းနှင့်သာစည်လမ်းထောင့်တွင် စစ်ကောင်စီတပ်သားများ၏ အိမ်စီးကား Mark -II ကားတစ်စီးအတွင်းသို့ ဗုံးတစ်လုံး ပစ်ထည့်၍ တိုက်ခိုက်ခဲ့ခြင်းဟု ဆိုသည်။
ထို့အပြင် ယနေ့တွင် မုံရွာမြို့ရှိ အောင်ချမ်းသာ တပ်ရင်း(၁၆)ထောင့်၊ အောင်ချမ်းသာ အောင်မင်္ဂလာလမ်းဆုံ၊ ဘူတာကြီးအနီး၊ဝါစက်ကွင်းနှင့် သာစည်လမ်း၊ရတနာပုံ၊ ဘိုးဘွားရိပ်သာ၊စီးပွား ရေးဘဏ်၊အာဇာနည်လမ်းနှင့် မြို့လယ်မီးပွိုင့်တို့တွင် ဗုံး ၉လုံး ဖောက် ခွဲခဲ့သည်ဟု ထုတ်ပြန်ချက်၌ ဖော်ပြသည်။
Public Service Announcement
အလားတူ ယမန်နေ့ည ၉နာရီခွဲခန့်ကလည်း မုံရွာမြို့ GTC ကျောင်း၌ တပ်စွဲထားသည့် စစ်ကောင်စီတပ်ကို ၄၀ မမ ဖြင့် နှစ်ချက်ပစ်ခတ်ခဲ့ပြီး သေဆုံးသူ တစ်ဦးရှိကြောင်းလည်း People’s Defence Force – South Monywa က ထုတ်ပြန်ထားသည်။
