နွေဦးတော်လှန်ရေးမှာ စစ်ကောင်စီ လက်ချက်ကြောင့် ညာဘက်လက် ဆုံးရှုံးသွားရတဲ့ မြို့ပြအင်ဂျင်နီယာကျောင်းသား မောင်လျှံဖြိုးအောင် ကို စစ်ကောင်စီက နိုင်ငံမတည်မငြိမ်ဖြစ်အောင်လှုံဆော်မှု ရာဇသတ်ကြီးပုဒ်မ ၅၀၅ (က) နဲ့ထောင်ဒဏ် ၃ နှစ်ချလိုက်ပါတယ်။
မောင်လျှံဖြိုးအောင် ထောင် ၃ နှစ်ချခံရတာကို ဖခင်ဖြစ်သူက လူမှုကွန်ရက်ကနေအသိပေးထားပါတယ်။
ပြီးခဲ့တဲ့နှစ် မတ်လ ၂၇ ရက်မှာ မကွေးနည်းပညာတက္ကသိုလ် ဒုတိယ နှစ်ကျောင်းသားမောင်လျှံဖြိုးအောင်ဟာ စစ်အာဏာရှင်စနစ်ဆန့်ကျင်ရေးဆန္ဒပြနေချိန်မှာ စစ်ကောင်စီတပ်ဖွဲ့ဝင်တွေရဲ့ အကြမ်းဖက်ပစ်ခတ်ဖြိုခွင်းမှုကြောင့် ဒဏ်ရာအပြင်းအထန်ရခဲ့ရတာပါ။
ရရှိတဲ့ဒဏ်ရာတွေကြောင့် မောင်လျှံဖြိုးအောင်ရဲ့ ညာလက်ဟာ လက်ကောက်ဝတ်အထက်နားကနေ ဖြတ်လိုက်ရသလို ညာဘက်မျက်လုံးမှာ ယမ်းစထိမှန်ဒဏ်ရာရခဲ့ပါတယ်။
Public Service Announcement
ဒဏ်ရာအပြင်းအထန်ရထားတဲ့ မောင်လျှံဖြိုးအောင်ကို စစ်ကောင်စီတပ်ဖွဲ့ဝင်တွေက မကွေးစစ်ဆေးရုံ ကိုခေါ်ဆောင်သွားပြီး ကုသမှုခံယူနေချိန်မှာပဲ ရာဇသတ်ကြီးပုဒ်မ ၅၀၅ (က)နဲ့တရားစွဲခဲ့တာပါ။
အဲဒီနောက်မကွေးထောင်ကိုပို့ဆောင်ခဲ့တယ်လိုသိရပါတယ်။
