တနသ်ာရီတိုင်း သရက်ချောင်းမြို့နယ်တွင် စစ်ကောင်စီတပ်မှ အင်အားအများအပြားဖြင့် ကျေးရွာများသို့ ဝင်ရောက်နေသောကြောင့် ဒေသခံပြည်သူများ ဘေးလွတ်ရာရှောင်နေကြရကြောင်း ဒေါနတနသ်ာရီ စစ်ဘေးရှောင်များ အထောက်အကူပြုရေးအဖွဲ့က ယနေ့(မတ် ၃၀) ထုတ်ပြန်သည်။
ယနေ့နံနက်အစောပိုင်းတွင် သရက်ချောင်းမြို့နယ် တောင်ပျောက်တိုက်နယ်အတွင်းသို့ အကြမ်းဖက်စစ်ကောင်စီတပ်က အင်းအားဖြည့်တင်း၍ စစ်ရေးပြင်ဆင်နေခြင်းဖြစ်ပြီး ဒေသခံပြည်သူ ၃,၀၀၀ကျော် ဘေးလွတ်ရာရှောင်နေကြရကြောင်း ထုတ်ပြန်ချက်တွင် ဖော်ပြ သည်။
“စစ်ရေးအခြေအနေကတော့ စစ်တပ်နဲ့ ဒေသခံပြည်သူ့ကာကွယ်ရေးတပ်ဖွဲ့တွေအကြား တင်းမာနေပြီးတော့ ဘယ်ချိန်မဆို ထိတွေ့ တိုက်ခိုက်မှုတွေ ဖြစ်လာနိုင်ပါတယ်ခင်ဗျာ”ဟု ဒေါနတနသ်ာရီ စစ်ဘေးရှောင်များ အထောက်ကူပြုရေးအဖွဲ့မှ တာဝန်ရှိသူတစ်ဦးက ပြောသည်။
ဒေသတွင်းစစ်ရေး အခြေအနေများကြောင့် ဒေသခံများအပြေးအလွှားတိမ်းရှောင်နေကြရပြီး ၎င်းတို့အတွက် မည်သည့်အရာများ လိုအပ်သည်ဆိုခြင်းကို ပြောဆိုရန် ခက်ကြောင်း ယင်းတာဝန်ရှိသူက ဆက်ပြောသည်။
လက်ရှိတွင် ဒေါနတနင်္သာရီအဖွဲ့သားများမှ ဒေသခံများနှင့်ပူးပေါင်းပြီး စစ်ဘေးရှောင်ပြည်သူများကို လိုအပ်သော ကျန်းမာရေးပြုစုစောင့်ရှောက်မှုများနှင့် ကူညီစောင့်ရှောက်မှုများကို ပြုလုပ်ပေးလျက်ရှိသည်။