မန္တလေး ၊မဟာအောင်မြေမြို့နယ် အတွင်း အမျိုးသားတစ်ဦး ဒီနေ့မနက်ပိုင်းက လက်ဖက်ရည်ဆိုင်မှာ ထိုင်နေချိန် သေနတ်နဲ့ပစ်ခတ်ခံရပြီး သေဆုံးသွားတယ်လို့သိရပါတယ်။
မဟာအောင်မြို့နယ် ၊ လက်ပန်ရပ်ကွက် မှာ ရှိတဲ့ကမ်းနားလမ်း လက်ဖက်ရည်ဆိုင်မှာ ဒီနေ့မနက်ပိုင်း ၈ နာရီလောက်က ပစ်ခတ်ခံရတာပါ။
ပစ်ခတ်ခံရတဲ့အမျိုးသားဟာ ရင်ဘတ်နဲ့ ခေါင်းမှာ ဒဏ်ရာရပြီး သေဆုံးသွားတယ်လို့ ဒေသခံအချို့ကပြောပါတယ်။
ဒီလအတွင်းမှာ မန္တလေး အောင်မြေသာစံနဲ့မဟာအောင်မြေမြို့နယ် အတွင်းကရပ်ကွက်အုပ်ချုပ်ရေးမှူး ၂ ဦး အသတ်ခံရတာရှိပါတယ်။
ဒီနေ့မနက် ၁၀ နာရီလောက်မှာ လည်း ပုသိမ်ကြီးမြို့နယ်၊ကောင်းမွန်ကျေးရွာရဲ့အုပ်ချုပ်ရေးမှူးဟောင်းလည်းဖြစ်သလို မြို့နယ် ပြည်ခိုင်ဖြိုး သတင်းပြန်ကြားရေးတာဝန်ခံ ဦးကျော်ခိုင်ဟာ ခြံထဲရေချိုးနေချိန် သေနတ်နဲ့ပစ်ခတ်ခံရပါတယ်။
Public Service Announcement
အမျိုးသားနှစ်ဦး သေနတ်နဲ့လာပစ်ချိန် ထွက်ပြေးပေမယ့် မလှမ်းမကမ်းမှာပဲ သေနတ်မှန်ပြီး ပွဲချင်းပြီးသေဆုံးသွားခဲ့တာပါ။
ဦးကျော်ခိုင်ရဲ့သားဟာလည်း နဖူးမှာ သေနတ်ဒဏ်ရာရပြီး မန္တလေးနန်းတွင်းဆေးရုံမှာ ကုသနေတယ်လို့သိရပါတယ်။
