အာဏာရှင်ပြုတ်ကျရေး ဆောင်ရွက်နေသည့် ကာလဖြစ်၍ ယခုနှစ်သင်္ကြန်ကို တော်လှန်သင်္ကြန်အဖြစ်သတ်မှတ်ကြရန်နှင့် စစ်ကောင်စီ၏ သင်္ကြန်မဏ္ဍပ်များအနီးသို့ မသွားကြရန် တနင်္သာရီမြို့နယ် ပြည်သူ့အုပ်ချုပ်ရေးအဖွဲ့က ဧပြီ ၅ရက် (ယနေ့) ထုတ်ပြန်လိုက်သည်။
တော်လှန်ရေးကာလတွင်း ထိခိုက်ကျဆုံးခဲ့သည့် ပြည်သူများ၊ တော်လှန်ရေးအတွက် စွန့်စားနေသည့် တော်လှန်ရေးအင်အားစုများနှင့် စစ်ဘေးရှောင်ပြည်သူများ၏ အခက်အခဲကို စာနာထောက်ထားသော အားဖြင့် ယခုလို့ တော်လှန်သင်္ကြန်အဖြစ်သတ်မှတ်လိုက်နာပေးရန်တောင်းဆိုခြင်းဖြစ်သည်ဟု ထုတ်ပြန်ဘသည်။
အာဏာသိမ်းစစ်ကောင်စီသည် လူထုမှ ထောက်ခံသယောင် အင်အင်းပြသလိုသဖြင့် သင်္ကြန်ပွဲတော်ကို ကျင်းပရန် ဖိအားပေးဆောင်ရွက်နေခြင်းဖြစ်သည်ဟုလည်း တနင်္သာရီမြို့နယ် ပြည်သူ့အုပ်ချုပ်ရေးအဖွဲ့က ဆို သည်။
“သူများတွေ ဒုက္ခရောက်နေချိန်မှာ ပျော်နေတဲ့တာ ဘယ်လိုမှ အဆင်မပြေပါဘူး၊ ကိုယ်ချင်းစာတရာခေါင်းပါးရာရောက်ပါတယ်။ ဒီနှစ်သင်္ကြန်တော့ ခဏသီးခံဖို့ မေတ္တာရပ်ခံလိုပါတယ်”ဟု တနင်္သာရီတိုင်းမှ တော်လှန်ရေးရဲဘော်တစ်ဦးက ပြောသည်။
အာဏာသိမ်းစစ်ကောင်စီသည် တော်လှန်ရေးအပေါ်လူထုစိတ်ဝင်စားမှုလျော့ကျစေရန်နှင့် ၎င်းတို့ ထိန်းချုပ်မူအောက်တွင် ပြည်သူအေးချမ်းစွာနေထိုင်နေသည်ဟု ပြသရန် သင်္ကြန်ပွဲတော်ကျင်းပရန် ကြံစည်နေခြင်းကြောင့် ပါဝင်ဆင်နွှဲခြင်းမပြုရန် တော်လှန်ရေးအင်အားစုအသီးသီးက တိုက်တွန်းထားသည်။