CDF (မတူပီ)ကစစ်​ကောင်စီတပ်ကို မိုင်း​​လေးလုံးခွဲတိုက်ခိုက်​သေဆုံးထိခိုက်မှုများရှိ

ချင်း​ဒေသကာကွယ်​ရေးတပ်-CDF(မတူပီ) က မတူပီမြိုမှ ၂၈ မိုင်အကွာတွင် အကြမ်းဖက်စစ်ကောင်စီတပ်ကိုမိုင်း​လေးလုံးခွဲတိုက်ခိုက်ရာ ပြင်းထန်စွာ​ပေါက်ကွဲခဲ့ပြီး ​သေဆုံးထိခိုက်မှုများရှိကြောင်း CDF(မတူပီ)က ထုတ်ပြန် သည်။

ကျောက်ထုဘက်မှ မတူပီဘက်သို့ လာ​နေသည့်စစ်​ကောင်စီ၏ မော်ယာဉ် ယာဥ်အစီး ၈၀ပါသည့် ယာဉ်တန်းကို မတူပီအခြေစိုက်စစ်​ကောင်စီတပ်ရင်းများက ဆင်းကြိုစဉ် ယနေ့(ဧပြီ-၅ရက်)တွင် မိုင်းလေးလုံးဖြင့်တိုက်ခိုက်ခဲ့ခြင်းဖြစ်သည်ဟု ​ဖော်ပြထားသည်။

ထိုတိုက်ခိုက်မူတွင် အကြမ်းဖက်စစ်ကောင်စီဘက်မှ ထိခိုက်ဒဏ်ရာများ ရရှိခဲ့ပြီး သေဆုံးစာရင်းကို အတည်မပြုနိုင်ကြောင်းလည်းပါရှိသည်။

ထိုအပြင် အကြမ်းဖက်စစ်​ကောင်စီ​၏ အဆိုပါယာဥ်တန်းသည် မိုင်တိုင် ၇၇ တွင်ရောက်ရှိ​နေပြီး ယနေ့ည၌ မင်းတပ်-မတူပီ မြို့ကြားတိုက်ပွဲများ ဆက်လက်ပြင်းထန်နိုင်သည်ဟု CDF(မတူပီ)က အသိ​ပေးထားသည်။တိုက်ပွဲသတင်းများနှင့်ပတ်သပ်၍ CDFမတူပီ၏ ထုတ်ပြန်ချက်သည်သာအတည်ဖြစ်​​ကြောင်းလည်း​ဖော်ပြထားသည်။

Public Service Announcement