ဖားကန့်မြို့ပေါ်တွင် ယနေ့ညနက်ပိုင်းက ပေါက်ကွဲမှုနှစ်ကြိမ်ဆက်ဖြစ်ပွားပြီးနောက် သေနတ်ပစ်ခတ်သံများကြားနေရသည်ဟု ဒေသခံများကပြောသည်။
ပေါက်ကွဲမှုသည်ဖားကန့်၏ အချက်အခါကျသည့် နေရာဖြစ်သော ဥရုချောင်းတံတားအနီးတွင် ည ၁၀ နာရီ ၁၀မိနစ်က ဖြစ်ပွားခဲ့ခြင်းဖြစ်သည်။
“ပေါက်ကွဲသံနှစ်ကြိမ်ဆက်ကြားတယ်။ ပြီးတော့ ချက်ချင်းပဲ သေနတ်သံတွေကြားရတယ်။ နှစ်ဖက်ပစ်ခတ်သံမျိုးကြားရတာ”ဟု ဖားကန့်ဒေသခံတစ်ဦးကပြောသည်။
မြို့ခံများသည် အပြင်မထွက်ဘဲ အခြေအနေကိုစောင့်ကြည့်နေကြသည်။ ည ၁၁နာရီခန့်တွင် သေနတ်သံနှစ်ချက် ထပ်မံထွက်ပေါ်လာသည်ဟု ဒေသခံများကပြောသည်။
ဧပြီ၁ရက်ညကလည်းဖားကန့် မြို့နယ်လျှပ်စစ်ရုံးတွင်ပေါက်ကွဲမှုဖြစ်ခဲ့ပြီး စစ်ကောင်စီ၏ ကားတစ်စီးပျက်စီးခဲ့သည်။
စစ်အာဏာရှင်ဆန့်ကျင်ရေး လှုပ်ရှားမှုများအားကောင်းသော ဖားကန့်တွင် ဒေသခံများသည် KIAနှင့် PDFအား ထောက်ခံကြောင်းနှင့် ဘေးကင်းရေးဆုတောင်းပွဲများ၊ စစ်ကောင်စီကျရှုံးရေးလူထုသပိတ်များကို နေ့စဥ်ပြုလုပ်နေသည်။
ပြီးခဲ့သည့် ဖေဖော်ဝါရီလက ဖြစ်ပွားခဲ့သည့် ဖားကန့်ဒေသတိုက်ပွဲတွင် စစ်ကောင်စီတပ်ရင်းမှူးတစ်ဦးအပါအဝင် တပ်ဖွဲ့ဝင်များစွာ သေဆုံးပြီး အထိနာခဲ့သည်။