ယမန်နေ့ (ဧပြီ ၁၀ ရက်)တွင် ကျရောက်သော ရက္ခိုင့်တပ်တော် တည်ထောင်ခြင်း (၁၃)နှစ်မြောက်နေ့တွင် ညီနောင်မဟာမိတ်အဖွဲ့ဝင်များ ဖြစ်သည့် PSLF/TNLA ၊ MNTJP/MNDAA တို့အပြင် NUG သမ္မတရုံး၊ ကာကွယ်ရေးဝန်ကြီးဝန်ကြီးဌာန အပါအဝင် နွေဦးတော်လှန်ရေးမှ မွေးဖွားလာ သော တော်လှန်ရေးအဖွဲ့အစည်းအချို့တို့မှ ပေးပို့သော သဝဏ်လွှာများကို လက်ခံရရှိကြောင်း ဖော်ပြသည်။
ထို့အပြင် အထက်ပါအခမ်းအနားသို့ အမည်ဖော်ပြရန် စောနေသေးသော အဖွဲ့အစည်းအချို့ထံမှ လည်း သဝဏ်လွှာများ လက်ခံရရှိကြောင်းနှင့် သဝဏ်လွှာပေးပို့သော အဖွဲ့အစည်းများ အားလုံးကို ရက္ခိုင်ပြည်သူများကိုယ်စား အထူးကျေးဇူးတင်ကြောင်း ရက္ခိုင်အမျိုးသားအဖွဲ့ချုပ်(AA) က ထုတ်ပြန်သည်။
