ရှမ်းပြည်နယ် တောင်ပိုင်း ပင်လောင်းမြို့နယ် တောင်မဲသင်းဂိတ်၌ ရှိ စစ်ကောင်စီတပ်များကို ဝင်ရောက်တိုက်ခိုက်ခဲ့ရာ ဂိတ်စောင့် စစ်ကောင်စီတပ်ဖွဲ့ဝင် ငါးဦး သေဆုံးခဲ့ကြောင်း ကရင်နီအမျိုးသားများကာကွယ်ရေးတပ်(KNDF) တပ်ရင်း(၃) ဖယ်ခုံဇုန်က ထုတ်ပြန်သည်။
ဧပြီ ၅ရက်က ဖြစ်ပွားခဲ့သည့် တိုက်ပွဲဖြစ်စဉ်ကို ယနေ့ ဧပြီ ၁၂ရက်တွင် ထုတ်ပြန်ခဲ့ခြင်းဖြစ်ပြီး လက်နက် ၄လက်နှင့် ခဲယမ်းများရရှိခဲ့ကြောင်း ဖော်ပြထားသည်။
“တောင်မဲသင်းဂိတ်တွင် ဖြတ်သန်းသွားလာနေသော ပြည်သူများကို စစ်ဆေးခြင်း၊ ငွေညှစ်ခြင်း၊ ထိုင်ထလုပ်ခိုင်းခြင်းနှင့် CDM များကို တွေ့ရှိပါက ကြုံသလို ဖမ်းဆီးနေသော စကစနောက်လိုက် ဦးနှောက်မဲ့ငတုံးများ အထိုင်နေသော ဂိတ်စခန်းတစ်ခုကို ကျွန်ပ်တို့ KNDF/B-03 ရဲဘော်များမှ အလစ်ဝင်တိုက်ခဲ့ပါသည်” ဟု KNDF ဖယ်ခုံဇုန်က ထုတ်ပြန်သည်။
အဆိုပါ တိုက်ခိုက်မှုတွင် KNDF တပ်ဖွဲ့ဝင်များ ထိခိုက်မှုမရှိဘဲ ပြန်လည်ဆုတ်ခွာနိုင်ခဲ့သည်ဟု ဆိုသည်။
Public Service Announcement
