Connect with us

Hi, what are you looking for?

LuduNwayOo

News

စစ်ကောင်စီ စီစဉ်နေသည့် ဆွမ်းဆန်လောင်းလှူပွဲ မပါဝင်ရန် မြို့လူထုကို ကျောက်ပန်းတောင်း လူငယ်များ တိုက်တွန်း

အကြမ်းဖက် စစ်ကောင်စီသည် ရိုးရာဓလေ့ အစဉ်အလာများကို ခုတုံးလုပ်ပြီး ပြည်သူကိုထိန်းချုပ်နိုင်သယောင် ယောင်၊ နိုင်ငံအတွင်းငြိမ်းချမ်းသာယာနေ ယောင်ယောင် ပုံဖော် လုပ်ဆောင်နေသည်ကို တွေ့ကြမြင်ကြပြီး ဖြစ်၍ အကြမ်းဖက် စစ်အုပ်စုနှင့် ကျောက်ပန်းတောင်းမှ ပြည်သူများ လုံးဝမသက်ဆိုင်ကြောင်း ဖော်ထုတ်ပြသရန် တိုက်တွန်းလိုသည်ဟု ဖော်ပြသည်။

(၂၀၁၃ခုနှစ်က ပြုလုပ်သည့် ဆွမ််းဆန်လောင်းလှူပွဲအား ​တွေ့ရစဥ်)

▪️ပြည်သူကိုနှိပ်စက်သည့် အာဏာရူးများ၏ ဆွမ်းဆန်လောင်းလှူပွဲသို့ မကြွရန် သံဃာတော်များအား လျှောက် ထားတောင်းပန်

မန္တလေးတိုင်း ကျောက်ပန်းတောင်းမြို့၌ နှစ်ဆန်းတစ် ရက်နေ့တင် နှစ်စဉ်ပြုလုပ်လေ့ရှိသည့် စုပေါင်းဆွမ်းဆန်လောင်းလှူပွဲကို ယခုနှစ်တွင် စစ်ကောင်စီနှင့် နောက်လိုက်များက ပြုလုပ်ရန် စီစဉ်နေ၍ မြို့လူထုအနေဖြင့် ပါဝင်ခြင်းမပြုရန် ကျောက်ပန်းတောင်းလူငယ်အသံက ယမန်နေ့တွင် ထုတ်ပြန်သည်။

နှစ်စဉ် အစဉ်အလာမပျက် ကျင်းပခဲ့သည့် အဆိုပါ ဆွမ်းဆန်လောင်းလှူပွဲကို ကိုဗစ်ကပ်ရောဂါဆိုးကြုံချိန်က မကျင်းပဘဲ ဆွမ်းဆန်ကို ကျောင်းတိုက်များသို့ တိုက်ရိုက်ကပ်လှူခဲ့ကြောင်း၊ ယခုနှစ်တွင်လည်း မြန်မာတစ်နိုင်ငံလုံး အကြမ်းဖက်စစ်အုပ်စု၏ ဘေးအန္တရာယ်ကျရောက်လျက်ရှိ၍ စစ်အုပ်စုနှင့် မပူးပေါင်းဘဲ ဆွမ်းဆန်ကို ကျောင်း၌ သွားရောက်လောင်းလှူရန် လူငယ်များက တိုက်တွန်းထားသည်။

အကြမ်းဖက် စစ်ကောင်စီသည် ရိုးရာဓလေ့ အစဉ်အလာများကို ခုတုံးလုပ်ပြီး ပြည်သူကိုထိန်းချုပ်နိုင်သယောင် ယောင်၊ နိုင်ငံအတွင်းငြိမ်းချမ်းသာယာနေ ယောင်ယောင် ပုံဖော် လုပ်ဆောင်နေသည်ကို တွေ့ကြမြင်ကြပြီး ဖြစ်၍ အကြမ်းဖက် စစ်အုပ်စုနှင့် ကျောက်ပန်းတောင်းမှ ပြည်သူများ လုံးဝမသက်ဆိုင်ကြောင်း ဖော်ထုတ်ပြသရန် တိုက်တွန်းလိုသည်ဟု ဖော်ပြသည်။

Public Service Announcement

Public Service Announcement

သံဃာတော်များအနေဖြင့်လည်း ပြည်သူလူထုကို ညှင်းပန်းနှိပ်စက်နေသော အာဏာရူးများ၏ လူစည်ကားစေရေးမှအပ အခြားရည်ရွယ်ချက်ကင်းမဲ့သည့် ဆွမ်းဆန်စိမ်းလောင်းလှူပွဲသို့ ကြွရောက်ခြင်းမပြုဘဲ ကျောင်းတိုက်မှသာ လာရောက်လှူဒါန်းသော အလှူရှင်များကို ဒါနမြောက်စေရန် အလှူခံပေးပါရန် ညှိုးငယ်စွာဖြင့် လျှောက်ထားတောင်းပန်အပ်သည်ဟု ကျောက်ပန်းတောင်းလူငယ်များက ထုတ်ပြန်ခဲ့သည်။

ကျောက်ပန်းတောင်းလူငယ်များအနေဖြင့် တော်လှန်သင်္ကြန် လူထုလှုပ်ရှားမှုတွင်မြို့ခံများ ပါဝင်ကြရန် တိုက်တွန်းထားသည်။

ကျောက်ပန်းတောင်း တော်လှန်ရေးအင်အားစုများကလည်း ကျောက်ပန်းတောင်းမြို့နယ်ရှိ ပြည်သူများ အနေဖြင့် အကြမ်းဖက်စစ်အုပ်စုမှ ပြုလုပ်သော မူးရူးပျော်ပါး ရေကစားပွဲတော် အား ပူးပေါင်းပါဝင်ခြင်း မပြုလုပ်ကြရန်နှင့် မြန်မာ့ရိုးရာ ရေသဘင်ပွဲတော်ရက်များတွင်လည်း လူစည်ကားလျက်ရှိသည့် မည်သည့်နေရာမှ သွားရောက်ခြင်း မပြုရန် ကြေညာထားသည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ခလရ(၁၄၂)အား KIA က မသိမ်းပိုက်မီ ယင်းတပ်ရင်းထဲမှ ကျပ်သိန်းပေါင်း ငါးသောင်းကျော်အား နယ်စပ်ဖြတ်ကျော်၍ ယူဆောင်လာခွင့်ပြုရန် စစ်ကောင်စီ၏တောင်းဆိုမှုကို တရုတ်ကပယ်ချခဲ့ကြောင်း People's Spring က စုံစမ်းသိရှိရသည်။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။