ပဲခူးတိုင်းပေါင်းတည်တွင် စစ်ကောင်စီတပ် တပ်စွဲထားသည့်နေရာအား ဝင်ရောက်တိုက်ခိုက်ခဲ့ကြောင်း ပဲခူးတိုင်း စစ်ဒေသခွဲက ယနေ့(ဧပြီ ၁၆) ထုတ် ပြန်သည်။
ယမန်နေ့(ဧပြီ ၁၅)နေ့လယ် ၂ နာရီ ၅၀ ခန့်က ပေါင်းတည်မြို့နယ် လဲပင်ရွာဘုန်းကြီးကျောင်းအနီး အင်အား ၁၆ ဦးခန့်ဖြင့် တပ်စွဲထားသော စစ်ကောင်စီတပ်ကိုဝင်ရောကတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
တိုက်ခိုက်မှုအတွင်း အပြန်အလှန်ပစ်ခတ်မှု မိနစ်၂၀ ခန့် ဖြစ်ပွားခဲ့ပြီး အကြမ်းဖက်စစ်ကောင်စီတပ်သား သုံးဦးသေဆုံးကာ ဒဏ်ရာရရှိသူအချို့ရှိခဲ့သည်ဟုထုတ်ပြန်သည်။
တိုက်ပွဲဖြစ်ပွားပြီးနောက် အကြမ်းဖက်စစ်ကောင်စီတပ်သား ၂၄ ဦး စစ်ကူရောက်ရှိလာပြီး ယမန်နေ့ည ၉ နာရီခွဲတွင် လဲပင်ကျေးရွာအား မီးရှို့ဖျက်ဆီးနေကြောင်း ထုတ်ပြန်ချက်တွင် ဖော်ပြသည်။
Public Service Announcement
အဆိုပါ လဲပင်ကျေးရွာသည် ၂၀၂၂ ခုနှစ် မတ်လ ၁၅ ရက်နေ့ကလည်း မီးရှို့ဖျက်ဆီးခြင်းခံခဲ့ရပြီး ယခုအကြိမ်သည် အကြမ်းဖက်စစ်ကောင်စီ၏ ဒုတိယအကြိမ်မီးရှို့ဖျက်ဆီးခံရခြင်းဖြစ်သည်။
