လေးကေကော်ဒေသအနီးပတ်ဝန်းကျင်မှာ ဒီကနေ့မနက်အစောပိုင်းက စစ်ကောင်စီရဲ့ ကင်းထောက်လေယာဉ်ပျံဝဲနေတယ်လို့ KNLA ပူးပေါင်းအဖွဲ့ဖြစ်တဲ့ ကော်ဘရာစစ်ကြောင်းထံကနေ သိရပါတယ်။
ဒီကနေ့ ဧပြီ ၁၉ ရက် မနက် ၁၂ နာရီကနေ ၁၂ နာရီ ၁၁ မိနစ်အထိ တိုက်လေယာဉ်လို့ ယူဆရတဲ့ လေယာဉ်တစ်စီးဟာ လေးကေကော်ကို လာရောက်ခဲ့သလို မနက် ၆ နာရီခွဲကနေ ၆ နာရီ ၄၅ မိနစ်အထိ ကင်းထောက်လေယာဉ်လို့ ယူဆရတဲ့ လေယာဉ်တစ်စီးဟာ ခုနှစ်ကြိမ်ထက်မနည်း လာရောက်ပျံဝဲလျက်ရှိနေတယ်လို့ ကော်ဘရာစစ်ကြောင်းက ဆိုပါတယ်။
လေးကေကော်ဒေသမှာ မနေ့ညပိုင်းကလည်း လက်နက်ကြီးပစ်ခတ်သံတွေကြားနေရသေးတာ ဖြစ်ပါတယ်။
ပြီးခဲ့တဲ့ ဧပြီ ၁၀ ရက်က လေးကေကော်မှာတိုက်ပွဲပြင်းထန်ခဲ့ပြီး စစ်ကောင်စီဘက်က ထိခိုက်ကျဆုံးမှုများပြားခဲ့လို့ လေကြောင်းတိုက်ခိုက်မှုတွေ ၁၀ ကြိမ်ကျော် အသုံးပြုတိုက်ခိုက်ခဲ့တယ်လို့ KNLA ပူးပေါင်းအဖွဲ့တွေရဲ့ ပြောကြားချက်အရ သိရပါတယ်။
Public Service Announcement
