ဒီပဲယင်းမြို့နယ်အတွင်းရှိ ကျေးရွာများအား လှည့်လည်အကြမ်းဖက်နေသည့် စစ်ကောင်စီတပ်များအား တာဝေးပစ်များဖြင့် ပစ်ခက်တိုက်ခိုက်ခဲ့ရာ အကြမ်းဖက်စစ်သား ၄ ဦး ထိခိုက်သေဆုံးနိုင်ကြောင်း ဒီပဲယင်းအခြေစိုက် ဂဠုန်တပ်တော်က သတင်းထုတ်ပြန်သည်။
စစ်ကိုင်းတိုင်း၊ ဒီပဲယင်းမြို့နယ်အတွင်း လှည့်လည်၍စစ်ကြောင်းထိုးကာဖျက်ဆီးနေသော အကြမ်းဖက်စစ်ကောင်စီတပ်များကို ယမန်နေ့ ဧပြီလ ၁၉ ရက် မွန်းလွဲ ၁၂း၂၀ အချိန်က မဲအိုးရွာ အနောက်မြောက်ဘက်တွင် ဂဠုန်တပ်တော် ရဲဘော်ရဲဘက်များမှ တာဝေးပစ် နှစ်ဆင့်ကွဲ များဖြင့် ပစ်ခတ်တိုက်ခိုက်ခဲ့ခြင်းဖြစ်ပြီး အကြမ်းဖက်စစ်သား ၄ ဦး ထိခိုက်သေဆုံးခဲ့ကြောင်း ဒီပဲယင်းအခြေစိုက် ဂဠုန်တပ်တော်က သတင်းထုတ်ပြန်သည်။
အကြမ်းဖက်စစ်ကောင်စီတပ်များသည် မဲအိုးရွာအတွင်းရှိ ပြည်သူပိုင် နေအိမ်များကို မီးရှို့ဖျက်ဆီးခဲ့ပြီး ယနေ့( ဧပြီလ ၂၀ရက်နေ့)တွင်လည်း ညောင်လှရွာရှိ ပြည်သူနေအိမ်များကို ဆက်လက်မီးရှို့လျက်ရှိကြောင်း ဒီပဲယင်းအခြေစိုက် ဂဠုန်တပ်တော်က သတင်းထုတ်ပြန်သည်။
အထက်ပါဖြစ်စဥ်နှင့်ပတ်သက်၍ ဂဠုန်တပ်တော်သို့ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။
Public Service Announcement
တိုက်ခိုက်ခံခဲ့ရသည့် အကြမ်းဖက်စစ်တပ်၏ ဝင်ရောက်ဖျက်ဆီးမီးရှို့မှုကြောင့် မဲအိုးကျေးရွာရှိ နေအိမ် (၁၅)လုံးခန့် မီးလောင်ဆုံးရှုံးကာ စပါးတိုက်များ၊ လယ်ယာသုံးစက်ပစ္စည်းများလည်း မီးလောင်ပျက်စီးခဲ့ကြောင်း ဒေသခံများက ပြောသည်။
ယနေ့ နံနက် သုံးနာရီခန့်အချိန်ကလည်း အကြမ်းဖက်စစ်ကောင်စီတပ်သည် ဒီပဲယင်းမြို့နယ် အရှေ့ခြမ်း မူးခံတွင်းကျေးရွာသို့ သုံးနေရာမှ ဝင်ရောက်လာပြီး အသက် (၅၀) ကျော်နှင့် အသက်(၆၀)ကျော်ပြည်သူနှစ်ဦးကိုလည်း ပစ်သတ်သွားကာ ညောင်လှကျေးရွာကိုပါ ဝင်ရောက် မီးရှို့ဖျက်ဆီးမှုကြောင့် ပြည်သူ့နေအိမ်များစွာ ဆုံးရှုံးပျက်စီးနိုင်ကြောင်း ဒီပဲယင်းဒေသခံများက ပြောသည်။
