မတူပီ-ပလက်ဝ လမ်းပေါ်ရှိ ထယ်ဘွေးစစ်ကောင်စီတပ်စခန်းကို အင်အားလာဖြည့်ပြီး ပြန်လာသောစစ်ကောင်စီတပ်ကို ခြုံခိုတိုက်ခိုက်ရာစစ်ကောင်စီတပ်သား ၆ ဦးသေဆုံးခဲ့သည်ဟု CDF( မတူပီ) ကသတင်းထုတ်ပြန်သည်။
အဆိုပါစစ်ကြောင်းသည် အင်အား ၁၅၀ခန့်ပါဝင်ပြီး မတူပီမြို့ နှင့် ၁၆ မိုင်အကွာ ဝလန်ပီးရွာအနီးတွင်CDF မတူပီက မိုင်းဆွဲတိုက်ခိုက်ခဲ့ပြီး ၊ ခြုံခိုတိုက်ခိုက်ခဲ့ရ စစ်ကောင်စီတပ်မှ ၆ဦး သေဆုံးကာ ဒဏ်ရာရရှိသူ အနည်းဆုံး ၇ဦးခန့်လည်းရှိကြောင်းCDF(မတူပီ) တာဝန်ရှိသူတစ်ဦးကပြောသည်။
ယနေ့(ဧပြီ ၂၂ရက် )နံနက် ၈နာရီခွဲခန့်တွင် ဖြစ်ပွားသောတိုက်ပွဲတွင် မတူပီ CDF တပ်ဖွဲ့ဝင်များ ထိခိုက်ကျဆုံးမှုမရှိကြောင်းလည်းထုတ်ပြန်ချက်တွင်ဖော်ပြထားသည်။
“စခန်း(စစ်ကောင်စီစခန်း)တည်နေရာက မတူပီ-ပလက်ဝနယ်စပ်မှာတည်ရှိတာ။ ပြီးခဲနှစ် ကုန်ပိုင်းလောက်ဒီနှစ်စပိုင်းမှာစခန်းကို(CDF တပ်များက) ဝိုင်းတယ်၊ သိမ်းတယ်။ ဒါပေ့မယ် လက်နက်ခဲ့ယမ်းနဲ့ လူအင်အားမလုံလောက်လို့ မသိမ်းဘူး။ ဒါပေ့မယ် ကျတော်တို့က သူတို့ကို တတ်နိုင်သလောက် ခြုံခိုတိုက်ခိုက်တယ်။အင်အားတော့လျော့သွားတယ်(စစ်ကောင်စီတပ်) ။ အခုအဲ့တပ်စခန်းကို အင်အားဖြည့်ပြီး ပြည်လည်ဆုတ်ခွာလာတဲ့ တပ်ကိုတိုက်တာ။ ဟိုမှာ ဘယ်လောက်အင်အားဖြည့်လာလည်းတော့မသိဘူး၊ အဲ့လိုအင်အားဖြည့်ပြီးပြန်လာတဲ့ တပ်ကို ခြုံခိုတိုက်ခိုက်တာပါ။” ဟု အထက်ပါတာဝန်ရှိသူကပြောသည်။
မတူပီနယ်မြေအတွင်း အကြမ်းဖက်စစ်ကောင်စီတပ်က အင်အားအလုံးအရင်းဖြည့်တင်းနေသောကြောင့် တိုက်ပွဲများဆက်လက်ပြင်းထန်လာနိုင်သည်ဟုလည်းသိရသည်။
ထိုအပြင် မကြာခင်မိုးရာသီရောက်ရှိလာတော့မည်ဖြစ်၍ မိုးရာသီတွင် ချင်းတောင်တွင် သွားရေးလာရေးခက်ခဲသဖြင့် ဒေသခံကာကွယ်ရေးတပ်များကို ပြည်သူလူထုအနေဖြင့်
ပိုမိုကူညီကြရန်လည်း CDF(မတူပီ) တာဝန်ရှိသူတစ်ဦးကမေတ္တာရပ်ခံသည်။