ရေးမြို့အနီးရှိ စစ်ကောင်စီတပ်၏ စစ်ဆေးရေးဂိတ်ကို အနီးကပ်ဝင်ရောက်ပစ်ခတ်ခဲ့ကြောင်း မွန်ပြည်နယ်အခြေပြုတော်လှန်ရေးအဖွဲ့အစည်း(MSRO)က ယနေ့ (ဧပြီ ၂၃)ထုတ်ပြန်သည်။
ယနေ့နံနက် ၉ နာရီခန့်က ရေးမြို့နယ် ရွာသစ်ကျေးရွာအနီးရှိ စစ်ကောင်စီတပ်၏ စစ်ဆေးရေးဂိတ်ကို အရှည်နှစ်လက်ဖြင့် အနီးကပ်ဝင်ရောက်ပစ်ခတ်ခဲ့ကြောင်း ထုတ်ပြန်ချက်တွင် ဖော်ပြသည်။
“ကျွန်တော်တို့အဖွဲ့က အရှည်နှစ်လက်နဲ့ ကင်းဂိတ်အထိသွားပြီး အနီးကပ် ၀င်ရောက်ပစ်ခတ်တာ နှစ်ကောင်ပွဲချင်းပြီး နှစ်ပွင့်ကောင်ဆေးရုံရောက်သွားတယ်လို့ သိရပါတယ်”ဟု MSRO မှ တော် လှန်ရေးရဲဘော်တစ်ဦးက ပြောသည်။
ပစ်ခတ်ခံရမှုကြောင့် စစ်ကောင်စီတပ်သားနှစ်ဦးသေဆုံးကာ နှစ်ပွင့်ဖြင့် အရာရှိတစ်ဦးအပါအဝင် တပ်သားတစ်ဦးထိခိုက်ဒဏ်ရာရရှိသွားကြောင်း ၎င်းက ဆက်ပြော သည်။
Public Service Announcement
အထက်ပါ စစ်ဆေးရေးဂိတ်ချထားသည့် တံတားမှာ မွန်ပြန်နယ်နှင့် တနသ်ာရီတိုင်းအား ဆက်သွယ်ထားသည့် တံတားတစ်စင်းဖြစ်ပြီး စစ်ကောင်စီတပ်မှ အချိန့်ပြည့်နီးပါး လုံခြုံရေးချထားသည့်နေရာလည်း ဖြစ်သည်။
