နွားထိုးကြီးပြည်သူ့ကာကွယ်ရေးတပ်(NPDF) တပ်ဖွဲ့ဝင်များက ယနေ့ ( ဧပြီ ၂၄ ရက်)စ၍ နွားထိုးကြီး-တောင်သာ လမ်းမပေါ်တွင်ကားများကို စစ်တပ်ထုတ်ကုန်များ၊မူးယစ်ဆေးဝါးများနှင့်တရားမ၀င်ပစ္စည်းများပါ၊မပါ စတင်စစ်ဆေးခဲ့ကြောင်း NPDF ကထုတ်ပြန်သည်။
နွားထိုးကြီး-တောင်သာ လမ်းမပေါ်တွင် ကားများအားစစ်တပ်ထုတ်ကုန်များ၊မူးယစ်ဆေးဝါးများနှင့်တရားမ၀င်ပစ္စည်းများ ကိုအထူးစစ်ဆေးအရေးယူရန် ယနေ့ စတင် စစ်ဆေးခဲ့ပြီး ခရီးသွားပြည်သူများ ဆောင်ရန် ရှောင်ရန်အချက်အလက်များကို ရှင်းပြခြင်း၊ ကားမှန်များချ၍ မောင်းနှင်ကြရန် အထူးသတိပေးခြင်းများကို NPDF အဖွဲ့သားများမှ ပြုလုပ်ခဲ့ကြောင်းဖော်ပြထားသည်။
စစ်ကိုင်းတိုင်း၊ မကွေးတိုင်းတွင် PDF များစိုးမိုးသောနယ်မြေများတွင် PDF များက ကားများကို စစ်တပ်ထုတ်ကုန်များ၊ သယ်ဆောင်ရောင်းချခြင်းမပြုရန်၊ မူးယစ်ဆေးဝါးများ သယ်ဆောင်ခြင်းမပြုရန် ရှောင်တခင်စစ်ဆေးပညာပေးလေ့ရှိကာ ယခုအခါ မန္တလေးတိုင်းတွင်ပါ နွားထိုးကြီး PDF ကစတင်ပြုလုပ်လာခြင်းဖြစ်သည်။
“ပြည်သူမှမွေးထုတ်ပေးသော ပြည်သူ့စစ်သားများဖြစ်သောကြောင့် ပြည်သူလူထု၏ အသက်အိုးအိမ်စည်းစိမ်ကို ကာကွယ်စောင့်ရှောက်သွားပါမည်ဟု သစ္စာအဓိဌာန် ပြုအပ်ပါသည်” နွားထိုးကြီးPDF၏ ထုတ်ပြန်ချက်တွင်ဖော်ပြထားသည်။
Public Service Announcement
