Connect with us

Hi, what are you looking for?

LuduNwayOo

News

NUG အုပ်ချုပ်မှုနယ်​မြေတွင် ဆက်​ကြေးလာမ​ကောက်ရန် ရှမ်းနီလက်နက်ကိုင်အဖွဲ့ကို ​ဖောင်းပြင် PDF သတိ​ပေး

စစ်ကိုင်းတိုင်းနှင့် ကချင်ပြည်နယ်၊ ရှမ်းပြည်နယ် နယ်စပ်ဒေသများတွင် လှုပ်ရှားသည့် SNAသည် ပြည်သူ့တော်လှန်ရေးတွင် ပူးပေါင်းပါဝင်လာခြင်းမရှိ၍ ဒေသခံများက ပြစ်တင်ဝေဖန်ခံနေရသည့် လက်နက်ကိုင်အဖွဲ့ဖြစ်သည်။ မကြာသေးမီကလည်း SNAနှင့် အကြမ်းဖက်စစ်ကောင်စီတပ်သည် ခန္တီးမြိုပေါ် လူထုထံမှ ဆက်ကြေးကောက်ရာမှ အဝေမတည့်ဖြစ်ကာ တိုက်ပွဲဖြစ်ခဲ့သည်။

People's Spring
People's Spring

အမျိုးသားညီညွတ်ရေးအစိုးရ(NUG)အုပ်ချုပ်မှုနယ်မြေတွင် အခွန်ငွေအကြောင်းပြ၍ ဆက်ကြေးလာမကောက်ရန် ရှမ်းနီလက်နက်ကိုင်အဖွဲ့ (SNA)ကို ဖောင်းပြင်မြို့နယ် ပြည်သူ့ကာကွယ်ရေးတပ်ဖွဲ့က သတိပေးလိုက်သည်။

ဟုမ္မလင်းမြို့နယ်တွင်အခြေစိုက်သည့် ရှမ်းနီအမျိုးသားများတပ်မတော်(Shanni Nationalities Army-SNA) ဟု ဒေသခံများက သိရှိထားသည့် ရှမ်းနီလက်နက်ကိုင်အဖွဲ့သည် ဖောင်းပြင်မြို့နယ်အတွင်း ဆက်ကြေးလာကောက်နေ၍ ဖောင်းပြင်မြို့နယ်ပြည်သူ့ကာကွယ်ရေးတပ်ဖွဲ့က အထက်ပါအတိုင်း သတိပေးလိုက်ခြင်းဖြစ် သည်။

“ဖောင်းပြင်မြို့နယ်သည်အမျိုးသားညီညွတ်ရေးအစိုးရ (NUG)၏အခွန်အကောက်နယ်​မြေဖြစ်ခြင်း၊ အမျိုးသားညီညွတ်ရေးအစိုးရကသာလျှင် ဥပဒေနှင့်အညီအခွန် ကောက်ခံပိုင်ခွင့်ရှိ​​ခြင်း၊ ပြည်သူအများစုကလည်းအခွန်အကောက် ဥပဒေနှင့်အညီကောက်ခံမည့်အစိုးရထံ၌သာ အခွန်ဆောင်လိုကြခြင်း၊အခွန်၏သဘောသဘာဝသည်အခွန်ကောက်ခံသူနှင့်အခွန်ပေးဆောင်သူတို့
နှစ်ဦးနှစ်ဖက်သဟဇာတဖြစ်ရန်လိုအပ်ခြင်းစသည်တို့ကြောင့် ပြည်သူ့ကာကွယ်ရေးတပ်ဖွဲ့ဖောင်းပြင်(PDF) အနေဖြင့် ပြည်သူတို့နှင့်သဟဇာတမဖြစ်သော မည်သည့်ကောက်ခံမှုမျိုးကိုမဆို ပြည်သူတို့၏အကျိုးစီးပွားအလို့ငှာကာကွယ်ပေးသွားမည်ဖြစ်ကြောင်းအသိပေး​ ကြေညာအပ်ပါသည်”ဟု ဖောင်းပြင်မြို့နယ် ပြည်သူ့ကာကွယ်ရေးတပ်ဖွဲ့က ယနေ့(ဧပြီ ၂၆ရက်) ထုတ်ပြန် သည်။

စစ်ကိုင်းတိုင်းနှင့် ကချင်ပြည်နယ်၊ ရှမ်းပြည်နယ် နယ်စပ်ဒေသများတွင် လှုပ်ရှားသည့် SNAသည် ပြည်သူ့တော်လှန်ရေးတွင် ပူးပေါင်းပါဝင်လာခြင်းမရှိ၍ ဒေသခံများက ပြစ်တင်ဝေဖန်ခံနေရသည့် လက်နက်ကိုင်အဖွဲ့ဖြစ်သည်။ မကြာသေးမီကလည်း SNAနှင့် အကြမ်းဖက်စစ်ကောင်စီတပ်သည် ခန္တီးမြိုပေါ် လူထုထံမှ ဆက်ကြေးကောက်ရာမှ အဝေမတည့်ဖြစ်ကာ တိုက်ပွဲဖြစ်ခဲ့သည်။

Public Service Announcement

Public Service Announcement

ဆက်စပ်သတင်းများ

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

နှစ်ပေါင်း ၂၇ နှစ်ကြာတပ်စွဲထားသည့် အဆိုပါ စခန်းကို မတိုက်ခိုက်ခင်ကတည်းက လက်နက်ချရန် အကြောင်းကြားခဲ့သော်လည်း လက်နက်ချခြင်းမရှိ၍ ယနေ့ (ဇွန်လ ၁၄ရက်)နံနက်တွင် ထိုးစစ်ဆင်ခဲ့ရာ နေ့လယ် ၁၂နာရီတွင် သိမ်းပိုက် နိုင်ခဲ့သည်ဟု ဆိုသည်။

သတင်း

တိုက်ပွဲကြာချိန် နာရီဝက်ခန့်အတွင်း ယင်းစခန်းကို အလုံးစုံသိမ်းပိုက်နိုင်ခဲ့ပြီး စစ်ကောင်စီတပ်သား ၂၀ခန့် သေဆုံးကာ ငါးဦးအရှင်ဖမ်းဆီးရမိခဲ့ကြောင်း ULF စစ်ကြောင်းမှ ပြန်ကြားရေးတာဝန်ခံ ကိုဂျော်ဒန်က ပြောသည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။