ပြီးခဲ့တဲ့ သင်္ကြန်ကာလအတွင်း မန္တလေးမှာ မြို့ပြပျောက်ကြားတပ်ဖွဲ့ဝင်တွေဆိုပြီး လူငယ် ၁၃ ဦးကို စစ်ကောင်စီက စွပ်စွဲဖမ်းဆီးထားပါတယ်။
ဒီလူငယ်တွေကို ဧပြီလ ၈ ရက်ကနေ ဧပြီလ ၂၀ ရက်အတွင်းဖမ်းဆီးခဲ့တာဖြစ်ပြီး ဖမ်းထားသူ ၁၃ ဦးမှာ အမျိုးသမီးငယ် ၂ဦးပါဝင်တယ်လို့သိရပါတယ်။
စစ်ကောင်စီကတော့ ဒီလူငယ်တွေကို လက်နက်ခဲယမ်းတွေနဲ့အတူ ဖမ်းမိတာလို့ သတင်းလွှင့်ထားပါတယ်။
ဖမ်းဆီးဖို့ကျန်နေသေးတဲ့သူတွေရှိနေသေးတယ်လို့ စစ်ကောင်စီက သတင်းထုတ်ပြန်ပါတယ်။
Public Service Announcement
ဒီလူငယ်တွေဟာ ရှမ်းပြည်နယ် ၊ကျောက်မဲမြို့နယ် အတွင်း TNLA အဖွဲ့ထံမှာ ဖောက်ခွဲရေးသင်တန်းတက်ပြီး မန္တလေးမှာ ဖောက်ခွဲရေး လာလုပ်တာလို့ စစ်ကောင်စီက စွပ်စွဲထားပါတယ်။
ဖမ်းမိထားတဲ့သူတွေဟာ ဇွဲထက်ရွှေဆိုင်ဖောက်ခွဲ ခဲ့သူတွေဖြစ်တဲ့အပြင် ကျုံးမြို့ရိုးဘေး ရတနာပုံ အပန်းဖြေစခန်း ဖွင့်ပွဲမှာ ဖောက်ခွဲတိုက်ခိုက်ဖို့ ကြိုးစားခဲ့သူတွေလို့ စစ်အုပ်စုက စွပ်စွဲသတင်းဖြန့်ပါတယ်။
