Connect with us

Hi, what are you looking for?

LuduNwayOo

News

သူရဲကောင်း CDM ပြည်သူ့ရဲတပ်ဖွဲ့ဝင်အင်အား သုံးထောင်နီးပါး NUG နှင့်ချိတ်ဆက်ဆောင်ရွက်နေ

လက်ရှိတွင် NUG၏ ပြည်ထဲရေးဌာနနှင့် ချိတ်ဆက်ထားသော CDM ရဲတပ်ဖွဲ့ဝင်များဖြင့် CDM ပြည်သူ့ရဲတပ်ဖွဲ့ယာယီအုပ်ချုပ်ရေးကော်မတီ ဖွဲ့စည်းထားပြီး စစ်ကောင် စီလက် အောက်ရှိ ရဲတပ်ဖွဲ့ဝင်များ ပြည်သူ့ရင်ခွင်ခိုလှုံရေး ဆွဲဆောင်စည်းရုံးခြင်းနှင့်အတူ ကျန်ရှိ CDM ရဲတပ်ဖွဲ့ဝင်များကိုလည်း လိုက်လံချိတ်ဆက်လျက်ရှိသည်။

▪️CDM ပြည်သူ့ရဲတပ်ဖွဲ့ယာယီအုပ်ချုပ်ရေး ကော်မတီဖွဲ့စည်းထား

အကြမ်းဖက်စစ်ကောင်စီလက်အောက်မှ ပြည်သူ့ရင်ခွင်ခိုလှုံပြီး CDM ပြုလုပ်လာသော ရဲတပ်ဖွဲ့ဝင်များအနက် အင်အားသုံးထောင်နီးပါမှာ NUG၏ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနနှင့် ချိတ်ဆက်ဆောင်ရွက်နေကြောင်း ယင်းဝန်ကြီးဌာနက ထုတ်ပြန် သည်။

၂၀၂၁ ဖေဖော်ဝါရီ ၁ရက်တွင် စစ်တပ်ကမတရားအာဏာသိမ်းချိန်မှစ၍ ပြည်သူ့ရင်ခွင်ခိုလှုံလာသော သူရဲကောင်း CDM ရဲတပ်ဖွဲ့ဝင် ခုနစ်ထောင်နီးပါးတွင် ယခုနှစ် ဧပြီ ၂၅ ရက်အထိ ၂,၉၃၇ဦးမှာ NUG ၏ ပြည်ထဲရေးဌာနနှင့် ချိတ်ဆက်ဆောင်ရွက်ထားပြီးဖြစ်ကြောင်း ထုတ်ပြန်ချက်တွင် ဖော်ပြသည်။

ထို့အပြင် စစ်ကောင်စီလက်အောက်၌ ဟန်ပြဝန်ထမ်းအဖြစ်တာဝန်ထမ်းဆောင်နေသည့် Pre CDM ရဲတပ်ဖွဲ့ဝင် ၃၄ဦးအထိရှိနေပြီး ဝန်ကြီးဌာနနှင့် အဆက်အသွယ်မရသေးသည့် အခြားCDM ရဲတပ်ဖွဲ့ဝင်များအား ဆက်လက်ချိတ် ဆက်နိုင်ရန်စီစဥ်နေကြောင်း အသိပေးသည်။

Public Service Announcement

Public Service Announcement

လက်ရှိတွင် NUG၏ ပြည်ထဲရေးဌာနနှင့် ချိတ်ဆက်ထားသော CDM ရဲတပ်ဖွဲ့ဝင်များဖြင့် CDM ပြည်သူ့ရဲတပ်ဖွဲ့ယာယီအုပ်ချုပ်ရေးကော်မတီ ဖွဲ့စည်းထားပြီး စစ်ကောင် စီလက် အောက်ရှိ ရဲတပ်ဖွဲ့ဝင်များ ပြည်သူ့ရင်ခွင်ခိုလှုံရေး ဆွဲဆောင်စည်းရုံးခြင်းနှင့်အတူ ကျန်ရှိ CDM ရဲတပ်ဖွဲ့ဝင်များကိုလည်း လိုက်လံချိတ်ဆက်လျက်ရှိသည်။

အမျိုးသားညီညွတ်ရေးအစိုးရ(NUG)၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာနနှင့် ချိတ်ဆက်ဆောင် ရွက်နေသော CDM ရဲတပ်ဖွဲ့ဝင်များတွင် ရဲမှူးနှစ်ဦး၊ ဒုရဲမှူး ၁၂ ဦး၊ ရဲအုပ် ၄၄ ဦး၊ ဒုရဲအုပ် ၈၂ ဦး၊ ရဲအရာခံတစ်ဦး၊ ရဲတပ်ကြပ်ကြီး ၁၀၈ ဦး၊ ရဲတပ်ကြပ် ၁၆၇ ဦး၊ ရဲဒုတက ၃၄၆ ဦး၊ ရဲတပ်သား ၂၁၂၉ ဦး၊ စာရေး ၁၆ ဦးနှင့် အကျဥ်းဦးစီး ၃၀ ဦး အသီးသီးဖြစ်ကြောင်း ထုတ်ပြန်ထားသည်။

ပြည်သူ့ရဲတပ်ဖွဲ့ဖွဲ့စည်းနိုင်ရေး CDM ပြည်သူ့ ရဲတပ်ဖွဲ့ယာယီ အုပ်ချုပ်ရေးကော်မတီက ဥပဒေကြမ်းရေးဆွဲပြီး ပြည်ထောင်စုလွှတ်တော် ဥပဒေကြမ်းကော်မတီနှင့် တိုင်ပင်ကာ အမျိုးသားညီညွတ်ရေးအတိုင်ပင်ခံကောင်စီ၏ အကြံပြုချက်နှင့် မူဝါဒအပါအဝင် ဝန်ကြီးဌာဖြည့်စွက်ချက်ဖြင့် CRPH ထံတင်ပြထားသည်။

ထို့ကြောင့် ဥပဒေကြမ်းအား CRPH မှ အတည် ပြုပြီးပါက ပြည်သူ့ရဲတပ်ဖွဲ့အား အမြန်ဆုံးဖွဲ့စည်းသွားမည်ဟု NUG ၏ ပြည်ထဲရေးနှင့် လူဝင်မှုကြီးကြပ်ရေးဝန်ကြီး ဌာနက အသိပေးထားသည်။

ဆက်စပ်သတင်းများ

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

ယခု ဇွန်လဆန်းပိုင်းမှ စတင်၍ စစ်ကောင်စီသည် ပြည်သူလူထု အများဆုံးအသုံးပြုသည့် ဖေ့ဘုတ်နှင့် မက်ဆန်ဂျာ အသုံးပြုမှုခက်ခဲစေရန် VPN ပိတ်ဆို့မှုကို တိုးမြှင့်လုပ်ဆောင်နေ​ကြောင်း သိရသည်။

သတင်း

လက်ရှိတိုက်ပွဲများ မည်သည့်အချိန်၌ ပြီးမလဲဆိုသည်မှာ စစ်ကောင်စီဘက်က မည်သို့ တုန့်ပြန်သည်ဆိုသည့် အခြေနေနှင့် သက်ဆိုင်သည်ဟု ၎င်းက ပြောသည်။