စီးပွားရေးလုပ်ငန်းရှင် ဦးချစ်ခိုင်ကို ထောင်ဒဏ် ၁၅ နှစ်ထိချလို့ရတဲ့ အဂတိပုဒ်မနဲ့စစ်ကောင်စီဖမ်းဆီး၊ NLD အစိုးရဝန်ကြီး ၃ ဦးကိုလည်း ဦးချစ်ခိုင်နဲ့အမှုတွဲထားပြီး အဂတိပုဒ်မနဲ့ အမှုဖွင့်

ထိပ်တန်းစီးပွားရေးလုပ်ငန်းရှင် ဦးချစ်ခိုင်တို့ သားအဖအပါအဝင် NLD အစိုးရ လက်ထက် ဝန်ကြီး ၃ ဦးကို အဂတိပုဒ်မနဲ့ ဖမ်းဆီးထားတယ်လို့ စစ်ကောင်စီဘက်က သတင်းထုတ်လာပါတယ်။

စီးပွားရေးလုပ်ငန်းရှင်ဦးချစ်ခိုင် ၊သားဖြစ်သူ ဦးဝင်းမင်းခိုင်နဲ့အတူ အဂတိပုဒ်မနဲ့ စွပ်စွဲအမှုဖွင့်ခံရတဲ့ ဝန်ကြီး တွေဟာ လျှပ်စစ်နဲ့စွမ်းအင်ဝန်ကြီး ဦးဝင်းခိုင် ၊ ဒုဝန်ကြီး ဒေါက်တာထွန်းနိုင် ၊ သယံဇာတနဲ့သဘာဝပတ်ဝန်းကျင်ထိန်းသိမ်းရေးဝန်ကြီး ဦးအုန်းဝင်းတို့ပဲဖြစ်ပါတယ်။

ဒီလိုဖမ်းဆီးတာဟာ တီကျစ်ကျောက်မီးသွေးသုံးဓာတ်အားပေးစက်ရုံအတွက် စာချုပ် ချုပ်ဆိုရာမှာ နိုင်ငံအတွက် နစ်နာတာရှိခဲ့တယ်လို့ စစ်ကောင်စီဘက်က သတင်းထုတ်ပြန်ထားပါတယ်။

ဦးချစ်ခိုင်ကို အဂတိပုဒ်မ ၅၅/၆၃ နဲ့စွဲဆိုထားပြီး ဒီပုဒ်မဟာ အဂတိလိုက်စားဖို့ လှုံဆော်တာ ၊ပူးပေါင်းကြံစည်တာ ၊အားပေးကူညီတာတွေမှာ စွဲဆိုတဲ့ ပုဒ်မဖြစ်ပါတယ်။

Public Service Announcement

ပြီးခဲ့တဲ့ လပိုင်းကလည်း စစ်ကောင်စီဟာ စီးပွားရေးလုပ်ငန်းရှင်ဖြစ်တဲ့ ဦးခင်ရွှေနဲ့သားဖြစ်သူဦးဇေသီဟကိုလည်းဖမ်းဆီးအရေးယူထားတာရှိပါတယ်။